من شهرين واحد صحبي اتجوز..بعد شهر بالظبط سافر لدبي علشان يكمل شغله هناك..المهم اتصل بيا بيعاتبني اني محضرتش الفرح وشئ من هذا القبيل..المهم وسط الكلام ضحكت وقولتله ..قولي حلو الجواز-..قالي افتكر ان الحاجة الوحيدة اللي لازم تبقي كلها حب هو الجواز.."في الخطوبة جيبتلها شبكة بمبلغ كبير ايام ما كان الدهب رخيص..المهم لما رجعت من السفر لاقيتها باعت حاجات كتير من الشبكة دي ولما سألتها وعاتبتها انها باعتهم قالتلي -عادي بكرة نجيب غيرهم..احنا اولي بالفلوس دي انا عارفة انك جي من السفر ومديون بمبلغ كبير علشان نتجوز فا ادينا بنساعد بعض"عدي يوم الفرح عادي في بيتنا احدث الاجهزة مش ناقصنا حاجة بفسحها واخرجها وكل حاجة تمام..المهم قبل ما اسافر بيومين مكنش معايا غير 3 جنية في جيبي فعلآ..المهم قولتلها هنتعشا اية..قالتلي عادي اي حاجة..قولتلها اية ننزل نجيب فول وفلافل ولا انتي عايزة اية..قالتلي بقولك اية -ملهوش داعي انك تنزل اصلآ..في كيس شيبسي هنا هات عيش من الفريزر ويلا نتعشا" وقتها انا دمعت..دمعت لاني معرفتش اعمل حاجة ولاني عارف كويس ان البنت دي مش متعودة علي كدة ولا مستواها اللي كانت عايشة في كان كدة..بس اللي صبرني وخلاني استلف مبلغ كبير علشان اعملها فرح وافرحها وخلاني اتغرب وادوق المر هو هو نفس اللي خلاها تبيع الشبكة وهو وهو اللي خلاها تتحمل يوم حرفيآ من غير عشا..الحب هو اللي بيعمل كل دا..اللي بيخليك تشوف الاوضة الصغيرة قصر كبير علشان فيها شخص بتحبه..واللي بيخليك تتحمل كل التعب والقرف وتدوق المر علشان توصل وتكمل مع شخص بتحبه..الجواز مسؤلية كبيرة بس لو فيها حب هتبقي اجمل مسؤلية في الكون..ولو معاك كنوز الارض وعايش مع شخص مبتحبهوش..هتحس انك افقر شخص في الدنيا وهموم الكون كله علي ضهرك..ببساطة اياك والجواز عن غير حب..والله الجواز مع الحب دا نعمة عظيمة صدقني هموم الدنيا بتهون بالحب طول ما انت عايش مع الشخص اللي بتحبه ونيتك خير ربك بيسر من عنده وبيفرجها والله .
