بسم الله الرحمن الرحيم
مسجونتي الفصل الثامن والاربعين
مريم بصوت عالي:فجر ياسر عبدالرحمن الغياتي،،،،مين فجر دي،،،طب تعالي نكمل بقيه البيانات يمكن اعرف،"ورجعت تقري تاني"محل الاقامه:الااسماعليه،،،تكونش ليالي،،،،بس الي هيجبها هنا،،،،انا هكمل احسن،،"ورجعت تكمل" تاريخ الميلاد:تلاته من ستمبر سنه 1993،،،،سبحان دي قدي ونفس يوم ميلادي،،،،ياسر عبدالرحمن محمد الغياتي،،،،،سعاد عبدالله احمد الطنطاوي،،،،،،اي دا...دي علي اسم ام ليالي ،،،،لالا انا لازم اطلع اكلم ليالي،،لازم
مريم جايه تروح نحيه اوضتها سمعت ابوها بيقول بزعيق"مريم مش هترجعلك يا سعاد،،،،،وانسي فجر،،،،،فجر دلوقتي بقت مريم وبقت عايشه في احسن مستوي وخلتها تعيش ملكه،،،احسن من الي كانت هتبقي عايشه في،،،معاكم،،،،اخر مره تكلمني،،،وانسي فجر،،،فجر ماتت بالنسبالكم،،يوم اما ابوها بعهالي،،فانسيها بقا وريحي نفسك وريحيني،،مع السلامه (وقفل السكه)"
مريم في اللحظه دي دخلت وكانت معالم الصدمه علي وشها
طه لما شافها قال بصدمه:مريم،،،آآ،،،انتي هنا من امتي
مريم بصدمه:انت مين
طه وقرب منها:مالك يامريم،،،انا ابوكي
مريم ورجعت لوراء وقالت بصدمه:اومال فجر دي مين
طه وبدا يتوتر:دي،،دي
مريم مقاطعا بزعيق:دي انا صح ولالا
طه ساكت مش عارف يرد عليها بايه
مريم وحطت قدامه شهاده الميلاد:طالما مش بترد يبقي دي انا،،،،البيانات الي في الشهاده دي،،،دي بياناتي انا، "وقالت بانفعال"صح
طه وقال باسي:ايوه يا مريم انتي
مريم بانفعال:ولي خدتني وبعدتني من اهلي،،،ليييييييه
طه بصوت عالي:عشان ابوكي مكنش عايز بنااات،،،فباعك
مريم بانفعال:انت كددداب
طه:لو مش مصدقاني،،،روحي لامك واساليها،،،وهيا هتحكيلك علي كل حاجه،،،واظن العنوان معاكي
مريم:انا فعلا رايحه
طه:بس عايزك تعرفي،،،ان طول المده دي بعملك زي بنتي،،ملاك الله يرحمها
مريم:اووي،،،وخصوصا مفيده هانم كانت بتعملني احسن معامله،،،لدرجه كنت بقولها كفايه حنيه عايزه شويه قسوه،،،لاني تعبت من كتر الحنيه والدلع الي انا عايشه فيهم،،،،وقالت بسخربه:انت بتضحك عليا ولا علي نفسك ولا اي بضبط،،،انت عارف كويس جددا انِ عمري ماشفت منكم لا حنيه ولا دلع،،،،حتي يوم كتب كتابي اما اشتكتلك من جاسر،،طلعتني انا الي غلطانه،،،ووقفت ضدي،،،مع انك المفروض لو بتعملني زي بنتك كنت تقف معايا،،،،بس انت موقفتش،،،عامة شكرا اووي
وخدت الشهاده وخرجت من الاوضه بسرعه وطه ماشي وراها وبيقول:مريم،،،مريم،،مررريم
مفيده باستغراب:في ايه ياطه،،،ومريم مالها ماشيه بسرعه كدا ليه
طه واعد علي الكرسي وقال بتنهيده حزن:مريم عرفت كل حاجه
مفيده:عرفت ايه
طه:عرفت اننا مش اهلها
مفيده بصدمه:ومين الي قالها
طه:شافت شهاده الميلاده،،،وسمعت مكلمتي مع سعاد
مفيده لسه في صدمتها وقالت:طب هنعمل الوقتي ياطه
طه:هيا اكيد هترجع تاني
مفيده بدموع:انا مش عايزها تبعد عني ياطه،،،الله يعلم انا حبتها اد ايه،،،حتي لما قسيت عليها كنت عشان عايزها احسن واحده في الدنيا مش نيتي اكتر من كدا،،،ارجوك يا طه خليها ترجع
طه:هترجع متخفيش،،هيا الوقتي راحا لاهلها عشان تعرف ان انا مش بكدب عليها لما قولتلها ابوها هوا الي باعها
مفيده:طب افرض مرجعتش يا طه،،،،انا من غيرها امووت يا طه،،امووت
طه وحضنها:متقوليش كدا يا مفيده،،،ان شاءالله هترجع،،،قومي بس غيري ونامي بس هيا جاسمين جت
مفيده بتمسح دموعها وقامت:اه ونامت
طه ومسك ايدها:ماشي،،يلا احنا كمان ندخل ننام
____________________________
مريم ركبت العربيه وطلعت بيها بسرعه لدرجه انها خبطت البوابه بتاعت الفيلا بس مهمهاش هيا دلوقتي يهمها انها توصل الاسماعليه في اقرب وقت وطلعت ع الطريق لقت جاسر بيكلمها
مريم بتحاول تمسح دموعها وتضبط صوتها لاكن معرفتش:الوو
جاسر:الوو،،،مالك يامريم،،،وايه الاصوات دي انتي في الشارع
مريم:ايوه
جاسر بغضب:الوقتي
مريم:اه
جاسر بزعيق:راحا فين الساعه2الفجر يامريم
مريم بزعيق هيا كمان:راحا اكشف الحقيقه يا جاسرر
جاسر:حقيقه اي
مريم:حقيقه اهلي،،،،لان انا طلعت بنت ناس تانين،،،انا المده دي كلها كنت عايشه مع ناس مش اهلي عارف يعني اي ناس مش اهلي
جاسر:طب انتي فين الوقتي
مريم: ع الطريق وراحا الاسماعليه الوقتي
جاسر:هو انتي وليالي اخوات ولا اي
مريم:ايوه يا جاسر انا وليالي اخوات،،لان في الشهاده الميلاد نفس العنوان الي ليالي سكنا في مع اهلها،،،ونفس اسم ام ليالي
جاسر باستغراب:دي ولا الافلام الهندي
مريم:سلام يا جاسر الوقتي،،سلام
جاسر:طب استني اجي معاكي
مريم :لا،،،انا لازم اروح لوحدي لازم اعرف حقيقه نفسي لوحدي،،،ومش عايزه يكون حد معايا حتي لو انت ياجاسر،،،انا اسفه يا جاسر بس اعذرني
جاسر:عذرك يا مريم عذرك
مريم:شكرا ياجاسر،،،سلام
جاسر:العفو سلام
وقفلت وسرعت العربيه اكتر لحد اما وصلت وركنت العربيه وخدت مفتاح العربيه وموبيلها والشهاده ونزلت وجت تدخل من البوابه لقتها مقفوله اعده تزق فيها بس مفتحتش قامت راحا عند السور ونطت لحد اما ايدها لمست السور واعده تطلع وطلعت وسندت نفسها وبصت تحت رجليها لقتها طويله بس هيا متعوده ع المرتفعات دي ونطت ونزلت ع رجليها ووجعتها شويه بس وقفت تاني ومشيت لحد اما راحت ع الباب واعده تخبط وتجرس ع الجرس سعاد كانت بتصلي الفجر فخلصت الصلاه وقالت وهيا رايحه نحيه الباب:مين
مريم:انا مريم
سعاد وفتحت الباب وقالت باستغراب:مريم
مريم:ازيك يا ماما
سعاد باستغراب:ماما
مريم ومسكه شهاده الميلاد وقالت:انا فجر بنتك يا ماما
سعاد بصدمه:فجر،،آآ انتي فجر
مريم حركت راسها بمعني"اه"
سعاد والدموع اتجمعت في عنيها وقالت باشتياق:تعالي في حضن امك يافجر
مريم دخلت من الباب وقفلت الباب برجليها واترمت في حضن سعاد واعده تعيط وسعاد تعيط وقالت من وسط دموعها:وحشتني اووي يافجر
مريم بدموع:وانتي كمان،،ياماما وحشتني اوووي
سعاد:بس انتي عرفتي منين،،،طه بيه قالك
مريم بدموع ولسه في حضنها:لا سمعته وهوا بيكلمك في التليفون وبيقولك انسي مريم،،،ولما دخلت عليه"وحكتلها باختصار ...وقامت من حضنها وقالت :حقا ياماما بابا مكنش عايز بنات
سعاد بحزن:ايوه يا بنتي،،،ابوكي الله يرحمه مكنش عايز بنات،،،ولما عرف ان في حد عايز يشتريكي باعك،،،بس قبلها اعده اترجا بس الله يرحمه كان قلبه قاسي ومش بيفرق معا حد ومسمعش لكلامي وباعك وساعتها ليالي اختك ضاعت مني واعدنا ندور عليها ملقنهاش وقلبي اتقهر عليكم انتم لاتنين،،وعدت 3سنين وانا ادور عليكم ملقكوش فقده الامل واتلهيت في عمر،،،وبعدها ابوكي تعب جامد وحس انو بيحتضر فقالي انو باعك لطه بيه وعرفني هما ساكنين فين وبعدها بكام يوم مات خلصنا العزاء وسبت عمر عند جارتي ورحت لطه بيه واعده اتحايل عليه اخدك مرضيش وكل اما اروحله يطردني و مرت السنين وانا متبعاكي من بعيد بس مشفتش شكلك بردوا،،،بس كنت متبعاكي من ميرفت
مريم مقاطعه بصدمه:داداه ميرفت،،انتي كنتِ تعرفيها
سعاد:ايوه يابنتي ولما اتفقت معاها عشان اشوفك طه بيه عرف وهدد ميرفت انو لو عملت كدا تاني هيدخلها السجن وهيا خافت،،،وانا عذرها والله هيا ليها حق تخاف ع نفسها،،،بس ومن ساعتها معرفش عنك حاجه بس من قريب ابديت اكلم طه بيه يمكن يحن وترجعيلي بس مرضيش ،،بس انا مايستش وفضلت احاول وادعي ربنا لحد النهارده،،، والحمدالله ربنا استجاب لدعايا ورفتي الحقيقه،،ورجعتي لحضني تاني
مريم بدموع ورجعت لحضنها تاني وقالت باشتياق:ياااه يا امي،،،الله يعلم حضنك دا كان وحشني اد ايه
سعاد:وانتي كمان يا حبيتي كنتِ وحشاني اووي
وفضلوا في حضن لحد اما قالت سعاد:تعالي ندخل ننام لان انتي شكلك تعبان بس الاول ادخلي خدي عبايه تنامي بيهاعشان الي انتي لابسه دا مش هتعرفي تنامي بي
مريم:ماش يا امي،،،،ربنا يخليكي ليا
سعاد:ويخليكي ليا يا مريم
ودخلوا الاوضه وسعاد طلعت عبايه لمريم
مريم لما شافت العبايه:لالا انا مش هعرف انام كدا،،انا هروح اشوف في اوضه عمر
سعاد باستغراب:هتلبسي من عمر يا مريم
مريم بابتسامه:اه عادي ياماما منا كنت بلبس من حاتم وساعات جاسر بس مكنش بيرضي يديني كتير عشان كانوا بيتبهدلوا مني
سعاد باستتغراب:مين جاسر وحاتم
مريم: حاتم دا كان ابن عمي بس مات
سعاد:الله يرحمه
مريم:وجاسر دا جوزي
سعاد:انتي اتجوزتي
مريم:كتب كتاب مش فرح
سعاد:وهتعملوا الفرح امتي
مريم بضحك:اقسم بالله ما اعرف
سعاد:هتقولولي اننا اهلك الحقيقين
مريم:منا قولتله
سعاد:امتي
مريم:الوقتي وانا جايلك،،،ونكلم كلامنا بكرا لاني هموت وانام بس الا ول تعالي شوريلي ع اوضه عمر
سعاد:ماشي
وشورتلها ع الاوضه و راحت مريم الاوضه و فتحت الدولاب واختارت بيجامه اديدز البلوزه لونها كحلي والبنطلون اسود ولبستهم وكانوا وسعين عليها بس هيا شمرت كمام الايد وشمرت رجل من البيجامه وجبت شعرها ع قدام وعملت كحكه
وخدت السلوبت وموبيلها ومفتاح عربيتها وحطت علبه السجاير في جيب البيجامه و راحت لاوضه امها وحطت الحاجه ع الطرابيزه
سعاد:اي يابنتي الي عملا في نفسك دا
مريم:مالي ياماما
سعاد:لي مشمرا البنطلون كدا وكمام البلوزه برودا وايه الكحكه دي
مريم و راحت جنبها ع السرير:اصل يا ماما انا مبعرفش انام الا كدا،،،ويلا بقا وسعيلي عايزه انام في حضنك
سعاد وضحكت ع طريقه مريم وخدتها في حضنها وقالت باشتياق وهيا بتبوسها في شعرها:وحشتني اووي يا مريم
مريم ورفعت راسها وباستها من راسها:وانتي كمان يا ماما وجشاني اوووي،،،واكتر حاجه مفرحاني ان ليالي طلعت اختي انا اصلا كنت خاسه ان في حاجه بتربطنا ببعض اكتر من الاخوه،،وعمر بردوا شكله محترم واتمنيت جدا اننا نبقي صحاب واهو طلع اخويا
سعاد:ربنا يخليكوا لبعض
مريم بابتسامه:ويخليكي لينا ياست الكل
سعاد:ياارب
_____________________________
تاني يوم ليالي كلمت عمر واتفقت معا انو يجيلها عشان يروحوا الاسماعليه فقامت راحت الحمام ولبست وجمعت هدومها في شنطه وبعدها قفلت الاوض ولقت الموبيل بيرن وكان ادم
ليالي:الوو
ادم:صباح الخير
ليالي:صباح النور
ادم:هتسافري الوقتي
ليالي:اه
ادم:هكون وراكم
ليالي:براحتك
ادم:وحشتيني
ليالي سكتت معرفتش ترد باي هل يا تري هوا وحشها ولا لا فمعرفتش ترد بايه فختارت اسلوب السكوت
ادم:الوو
ليالي:ايوه
ادم:روحتي فين
ليالي:موجوده
ادم:اومال لما قولتلك وحشتني مردتيش عليا ليه
ليالي:عشان مش عرفا اجوبك بايه فاحسلني انِ اسكت
ادم بضيق:طيب ماشي يا ليالي عامة انا هكون وراكم،،سلام
وقفل من غير ما يسمع الرد منها ليالي مفرقش معها اصلا فكملت بقيه تقفيل الشقه وخلصت ولقت عمر بيرن عليها قفلت عليه وخدت شنطتها وقفلت باب الشقه وراحت لام صلاح تسلم عليها وصلاح كان ساعتها في الشغل فقالتلها ابقي سلملي عليه وسلمت ع عبير وخدت شنطتها ونزلت لعمر عمر اخد الشنطه منها وقال:صباح الخير
ليالي بابتسامه:صباح النور
عمر:يلا اركبي
وركبوا العربيه وطلع بيها وجابوا فطار وطلعوا ع الطريق ليالي ولقت رساله جيالها ع فونها وكانت من ادم وقايل"انا وراكم"
ليالي بصت من المرايه ورجعت راسها لوراء وغمضت عنيها
عمر:مالك
ليالي:مفيش بس عنيا وجعاني فهغمض عيني ع ما نوصل
عمر:ماشي
وغمضت عنيها وبعد شويه لقت عمر بيقول
عمر:ليالي
ليالي:هاا
عمر:كنت عايزه اقولك ع حاجه
ليالي:قول
عمر:انا و مورا رجعنا لبعض
ليالي بابتسامه:بجد،،دا خبر كويس
عمر:طالما قولتي كدا يبقي عرفتي ان هيا وادم سابوا بعض
ليالي:ايوه عرفت،،.امبارح
عمر:وعرفتي انهم كانوا مخطوبين لبعض عشان كانت ام ادم بتنزن عليه وامها بتنزن عليها فاضطروا يتخطبوا لبعض
ليالي:لا معرفش
عمر:اديني عرفتك اهوو
ليالي:بس اصلحتم ازاي
عمر حكلها
ليالي:ههههه انتم مسخره
عمر ضحك:هو فعلا موقف يضحك
ليالي:وهتتقدملها امتي
عمر:قريب،،وقريب جدا كمان
ليالي:ربنا يخليكم لبعض
عمر:ياارب
ووصلوا ودخلوا من البوابه وركن عمر العربيه ونزلت ليالي وعمر جاب الشنطه ودخلوا
عند ادم
ادم ركن العربيه وقال يستني شويه ع ما ليالي تدخل وتقولهم
,,,~~,,,,~~,,,~~,,~~~,,,,~~~,,,~~
ليالي وعمر دخلوا البيت وعمر قال بصوت عالي:ماما
ليالي:ماما
سعاد ومريم جم من المطبخ
ليالي اول ما شفتها قالت باستغراب:مريم
عمر:مريم
مريم:صباح الخير
ليالي وقربت منها:صباح النور،،،بس انتي بتعملي اي هنا
سعاد:تعالوا اعدوا وانتم تعرفوا كل حاجه
ليالي وعمر:حاجه اي
مريم:تعالوا بس وانت تعرفوا
وراحوا اعدوا سعاد بدت تحكلهم ومريم تحكي هيا كمان خلصوا ومريم قالت:بس كدا،،،عرفتي انا بعمل اي هنا
ليالي بصدمه:يعني،،،انتي اختي
مريم بابتسامه:ايوه
ليالي وخدتها في حضنها وقالت بفرحه:كنت حاسه بكدا والله،،كل حاجه كانت بتثبت اخواتنا،،الوحمه،،لما بتتعبي بحس انِ تعبانه كل حاجه،،،لان الي مالي مابينا عمره بس ما كان صداقه دا كان اخوه
مريم بفرحه:وانا كمان كنت حاسه،،،ربنا يخليكي ليا يا ليالي
ليالي وبتشدد ع الحضن:ويخليكي ليا يا،، اختي
سعاد:مالك يا عمر
عمر كان مبلم بس فاق لما سعاد ندهتله فقال:اصل حاسس انِ في فيلم هندي،،،،انا خايف شويه كدا انك تتطلعي اختي مش امي
سعاد:ربنا يخليكم لبعض
مريم وقامت من حضن ليالي و راحت لعمر ووقفت قدامه وكان شكلها قصير جنبه بس قالت:يعني انت مضايق ولا فرحان
عمر:لا طبعا فرحان،،،هو انا اطول تبقي اختي اتش
مريم ونطت ع حضنه فجاه وقالت بفرحه:انا كمان فرحانه اووي انك اخويا
عمر ورفع دراعاته ولفهم حواليها وقال:ربنا يخلينا لبعض
مريم:يارب
وقربت منهم ليالي وقالت بضيق:هو انا مليش في الحضن دا حاجه
عمر:لا تعالي
ليالي قربت ولفت دراعتها حواليهم وكان شكلهم حلو سعاد عنيها دمعت وقالت:ربنا يحرسكم من العين يا ولاد،،ومايفرقكم ابدا
ليالي وعمر ومريم:امين
سعاد:يلا بقا تعالوا افطروا
ليالي وعمر: بس احنا فطرنا
مريم بغيظ:وانا الي مموته نفسي من الجوع عشان استناكم وفي الاخر تفطروا عبوشكلكم
ليالي:خلاص يا ستي احنا اسفين واخر مره
مريم بغرور مصتنطع:تقبلته
ليالي:رخمه
مريم:اهو انتي
ليالي وطلعت لسانها ليها
مريم:الله ي
وقطع كلامهم زعيق عمر:بت انتي وهيا اتلموا
مريم وخبطت بايدها ع كتف عمر وقال بضيق:انا مش بت يا خويا
عمر وزق ايدها:ماشي ياست الكونتسيه،،ويلا عشان تفطري بدل ماانتي هتموتي من الجوع
و راحوا اعدوا ع الطرابيزه مريم قالت:عمر
عمر:نعم
مريم:ابقي هاتلي بيجامتك كلها لاحسن عجباني اووي
عمر باستغراب:انتي لابسه بيجامتي
مريم:اه
عمر:وملبستيش من عند امي ليه
سعاد:ادتلها قالتلي انا مبلبسش عبايات و قالتلي فين اوضه عمر قولتلها مكانها راحت وجابت بيجامه وجت نامت جنبي
مريم: وبعدين انا متعوده لانِ كنت بلبس من حاتم او جاسر
عمر:حاتم مين
مريم:ابن عمي الله يرحمه
عمر وليالي وسعاد:الله يرحمه
سعاد:يلا بطلوا كلام ع الاكل وكلوا
وبدوا ياكلوا وخلصوا وجت تودي الاكل سعاد عمر قال:يعني عندك شحطتين فرعين وعايزه تودي الاكل انتي
سعاد:منا مش
مريم مقاطعه:عمر عنده حق ارتاحي انتي وانا وليالي هنودي الاكل ونجيب الشاي،،،يلا يا ليالي
وراحت تعد هيا وعمر ع الكنبه وليالي ومريم ودا الاكل المطبخ
ليالي وهيا بتغسل الاطباق:هوا جاسر عرف انك
مريم مقاطعه:اه عرف
ليالي:امتي
مريم:كلمني امبارح وانا ع الطريق
ليالي:و اهله عرفوا
مريم:معرفش،،بس اكيد هيقولهم
ليالي:حددتوا معاد الفرح
مريم:لا بس باذن الله قريب
ليالي:باذن الله
وعملوا الشاي وخدوا ع برا و ادوا واعدوا ع الكنبه ومريم طلعت سجاره وولعتها واخده نفس منها ولقت سعاد بتبصلها باستغراب وعمر كذلك اما ليالي متفجاتش لانها عرفا مريم متعوده انها تشرب السجاره مع الشاي وفي اي مكان حتي لو قدام اهلها
مريم:مالكوا
عمر باستغراب:انتي بتشربي سجاير
مريم:اه،،،تاخد واحده
عمر بغضب:ارمي السجاره دي يامريم
مريم بضيق:ليه
عمر:عشان مينفعش بنت تشرب سجاير
مريم:وانا قولتلك انِ مش بت،،وكمان انا ضابط يعني عشان ارعب المجرم قدامي لازم السجاره لانه هوا حاطط في باله انِ مره يبقي ضيعفه
عمر:مره،،ايه الالفاظ دي يامريم
مريم وبتخبط في دراعه بهزار:ايه يا عموري خليك كلو كدا،،،انا اصلا في الاول مكنتش بشرب بس بدات اشرب لما ادخل احقق مع مجرمين وميعترفوش اقوم احط السجاره في ايده تحرقه يقوم يعترف،،،ولو مره الي بحقق معاها اهددها انِ هحط السجاره الحلوه دي في جمال وشها تقوم تعترف لان طبعا دي بت شمال واكل عيشها في وشها وفي جسمها
سعاد وعمر مبلمين من طريقه مريم
بس مريم متعوده ع البصه دي فقالت وهيا بترمي السجاره في كوبايه الشاي وقالت:مالكم
سعاد:مفيش يا حببتي بس ياريت تبطلي حبه بحبه عشان كدا غلط ع صدرك
مريم:حاضر يا ماما،،،عمر انا عرفا انِ غلط بس انا كنت عايشه مع ناس عمرهم ماحسبوني انا بعمل اي فهتلاقيني بعمل اي حاجه من غير ما اسال حد او اخد راي حد
عمر:ماشي يا مريم بس ياريت تخففي حبه بحبه لحد اما تبطليها
مريم بابتسامه:حاضر وادي السجاره ومتها اهو عشان متتخنقوش من ريحه السجاير
ليالي:ماما،،؟عمر انا كنت عايزه اقولكم ع حاجه
سعاد وعمر:قولي
ليالي لسه جايه تقول لقت الباب بيجرس فقالت سعاد:قومي يا مريم افتحي
مريم:حاضر
سعاد:قولي ياحبيبتي عايزه اي
ليالي:انا قررت
وسكتت لما سمعت صوت مريم بتزعق
وراحو كلهم نحيتها
عمر:ادم
مريم:اطلع برررره يا ادم
ادم:مش طالع يا مريم،،،وبعدين انتي مالك اشدخلك انتي ادخل ولا لا كانت بيتك
مريم بتحدي:اه بيتي
ادم بسخريه:بجد.،،بيتك ازاي بقا
مريم: هو انت متعرفش ان ليالي اختي ولا اي
ادم بصدمه:اي
_______________________________
