بسم الله الرحمن الرحيم
مسجونتي الفصل الواحد والخمسين
دارين:لا مغيرتش رائ،،،،،انا اسفه يا ليالي
ليالي باندهاش اكتر لانها كانت معتقده ان دارين مش هتعتذر بس قالت بهدوء وبابتسامه:مفيش اسف ولا حاجه المسامح كريم
دارين بابتسامه مزيفه:طب تعالي بقا
واخدتها في حضنها وقالت بحنان مزيف:ربنا يخليكي ليا ياحبيبتي
ليالي بابتسامه صادقه:ويخليكي ليا يا طنط
ادم:كدا تمام ويارب مايجيب خلاف تاني
ليالي:يارب
سعاد:تشربوا ايه،،ع ما الغدا يجهز
احمد:ملهاش لزوم
يعاد:والله ابدا هتشربوا يعني هتشربوا،،ها هتشربوا ايه
احمد:شاي
ادم:قهوه
ليالي:ساده لادم يا ماما
ادم ابتسم لانها لسه فكرا نوع القهوه بتاعه ايه
عمر:شاي بقرفه
سعاد:تمام،،ويالاه يا ليالي تعالي ساعديني
ليالي:حاضر
وقامت معها تساعدها ولما دخلوا المطبخ ليالي قالت:ايه رايك في ادم يا ماما
سعاد:شكله محترم وباباه كمان شكله محترم بس
ليالي:بس ايه يا ماما؟؟
سعاد:مفيش حاجه،،متخديش في بالك
ليالي و راحت نحيتها وقالت:في ايه يا ماما
سعاد:يابنتي قولتلك مفيش،،،ويلا بقا روحي اعملي القهوه ع ما اعمل الشاي
ليالي:ماشي ياماما بس بردو هعرف مالك
سعاد وبتزقها براحه:امشي يابت امشي اعملي القهوه بدم انتي وقفه لي زي القضاء المستعجل كدا
ليالي بابتسامه:ماشي ماشي يا سعاد هانم
سعاد ومسكه عصايه خشب وقالت بتهديد مصتطنع:بنت،،،امشي بدم احدف عليكي بلي في ايدي
ليالي بضحك:حاضر حاضر بس اهدي يا معلم
وراحت تعمل القهوه وسعاد عنيها دمعت بس مسحة الدمعه الي كانت هتنزل بسرعه و رجعت تعمل الشاي
_____________________________
في المديريه وفي مكتب جاسر بتحديد ويدخل عليه مريم فيقول:ها عملتي اي
مريم:انا قولتله بختصار اني مش هعرف اجي مصر اليومين دول واني كمان فرحي قرب فقالي خلاص ليكي اجازه شهرين
جاسر:ماشاءالله شهرين،،،وانا بتحايل عليه يديني شهر
مريم:عشان يافكيك انت كنت بضيع اجازتك انا لا
جاسر:ممم طيب،،،بس كدا بردو احسن بدم كل شويه تتنقلي من مصر لاسماعليه ومن اسماعليه لمصر
مريم:اكيد،،،،انا هكلم ليالي
و رنت ع ليالي بس مردتش و رنت تاني مردتش فمريم قالت باستغراب:البت دي مش بترد ليه
جاسر:مش انا قيلك ان ادم وامه وابوه رحولهم عشان يحددوا معاد الفرح
مريم:اااامم،،و ياتري ادم نفذ الشرط بتاعي ولالا
جاسر:شرط ايه؟؟
مريم:اصل انا كنت متفقا مع ادم انُ مش هيرجع لي ليالي لو امه معتذرتش ليها
جاسر:واعتذرت
مريم بضيق:هو انت غبي ولا شكلك كدا،،،اومال انا بسالك ليه
جاسر:احترمي نفسك يامريم وقصي لسانك بدما اقصه انا
مريم:طيب،،،تفتكر حسام وليلي عاملين ايه؟؟
جاسر:تلاقيهم متزوطين
مريم:ازاي يعني
جاسر وبيغمزلها:لما نجوز،،،هقولك
مريم بضيق:جاسررر
جاسر:يا روح قلب وعقل جاسر
مريم برخامه: وفشه وطحال مريم
جاضر بضيق:مريم،،انتي بجد تفصلي الواحد عن انو يقولك كلام حلو
مريم وقربت عليه وقربت من ودانه وقالت بصوت هامس:ابقي حطه في الشاحن ياحبيبي هههه
جاسر وشدها بايده ووقعت في حجره فمريم اول ماشدها صوتت وقالت:سبني ياجاسر
جاسر:لا،،،وكمان مش انتي قولتي اني لازم
اشحن،،،وانتي الشاحن بتاعي
مريم:هتعمل اي ياجاسر
جاسر وقرب منها اووي ومريم اول ماقرب غمضت عنيها جامد لحد اما حست ان نفس جاسر بعد عنها ففتحت عنيها لقت جاسر بيضحك مريم باستغراب:بتضحك ليه
جاسر:انتي كان شكلك مسخره وانتي مغمضه عنيك جامد،،وخايفه اني ابوسك
مريم وقامت من ع حجره وجاسر وقع بالكرسي بظهره وكان شكله مسخره ومريم اول ماشفته كدا ضحكت فجاسر قال بضيق :غوري يامريم من وشي عشان انتي بجد تلاجه
مريم بهزار رخم:ودير فليزر كمان
جاسر وعدل نفسه و راح نحيه مكتبه ولسه هيلق عليها علبه الاقلام كانت مريم طلعت خرجت برا المكتب وقفلت الباب وراها فجاسر قال بابتسامه"مع انك رزله و رخمه وبتفصليني عن اي لاحظه حلوه مابينا،.الا اني بعشق."ولسه هيكمل لاقي الشاويش داخل عليه بيخبط فجاسر اذنله يدخل فدخل وادي التحيه العسكريه وقال:اتفضل يا فندم
جاسر:من مين دي
الشاويش:من الضابط مريم
جاسر اخدها:طب اتفضل انت
وادي التحيه العكسريه وخرج ولما خرج جاسر فتح الورقه وبدا يقرا:"هذه الرساله من حبيبتك مريم وبتقولك،،،اولا هيا زعلانه منك عشان الحركه الزباله الي انت كنت هتعملها مع انك مواعدها انك مش هتقرب منها لحد الفرح بس الحزن اتمحي لما انت وقعت،،،وبمناسبه الوقعه متنساش تتدخل الفنيله الي طلعت برا هدومك،،،امووه،،سلام ياجاسوره،،،اتش"
جاسر:يابنت****،،،،ماشي يا مريم وحياه امي لاوريكي
______________________________
مريم:يخربيت كدا،،يابت ردي بقا،،عبوشكلك
وقفلت و رمت التليفون ع مكتب وقالت بضيق"منا مش هيهدالي بال الي لما اعرف ام ادم عملة ايه،،والبت ليالي مش بترد ومعيش رقم عمر ولا ماما،،.اعمل ايه الوقتي،،اكلم حسام اشوف اخباره،،اه اكلمه"
وفعلا رنت عليه علي حسام من برنامج "ماسنجر" وبعد مده رد حسام وقال:الوو
مريم:حس،،،ازيك وحشني اقسم بالله
حسام:وانتي كمان،،اخبارك انتي ايه
مريم:بتقول ايه مش سمعا،،.من زحمه الي جنبك دي
حسام:اصل انا في الشارع انا و ليلي و رايحين ع برج ايفيل
مريم:ايوه ياعم برج ايفيل مدينه العشاق والانوار،،يابختك يا لولو
ليلي:بكرا ياختي تبقي مكاني
مريم:حدا الله بيني وبين الحرام
ليلي:انتي هبله يابت ولا شكلك كدا
مريم برخامه:لا صف اسناني وقع ههههههه
ليلي:سلام يا مريم سلام عشان فصلتيني
مريم:اشحني هههه
ليلي قفلت السكه في وشها ومريم قالت:هو انا زودتها ولا اي،،،مش مهم بما ان انا بقيت في اجازه من النهارده اروح بقا الجيم
وقامت من ع المكتب و اخده حاجتها وخرجت من المكتب و نزلت واخده المفتاح من الامن "عدوي" و ركبت العربيه وطلعت ع النادي
_____________________________
عند صلاح وفي الصاله بتحديد وصلاح كان عمال يرن ع ليالي بس مكنت بترد فقال لهاله:هيا ليالي دي مش بترد ليه
هاله:تلاقيها بتتغدي ولا حاجه ،،،سبها الوقتي وكلمها بليل
صلاح:مااشي،،،بقولك ايه
هاله:ايه
صلاح:انتي وحشاني اووي
هاله بكسوف:صلاح،،،ماما ممكن تتدخل علينا الوقتي
وفي نفس اللحظه كانت دخلت عليهم ام صلاح فقال صلاح بضيق:اهي جت اهي،،،ارتاحتي
هاله:جددا
صلاح بضيق:ماشي،،بس اعملي حسابك انها مردودالك
هاله:لا والله
صلاح:هتشوفي
ام صلاح باستغراب:مالكم يا ولاد
هاله.مفيش يا حاجه يا ماما،،،بس عندي سوال ممكن اسالهولك
ام صلاح:اسالي ياحبيبتي
هاله:هو انتي اسمك اي؟؟ انا طول عمري بسمع كل الناس بتقولك يا ام صلاح حتي ليالي وماما،،،عمري ما سمعت حد بيندهلك باسمك
ام صلاح:خلاص يا ستي انا هريحك،،،انا اسمي هانيه وكان الحج الله يرحمه كان بيقولي يا هانيه المتهنيه
صلاح:الله يرحمه
هاله:بس بجد اسم حلو اووي، واول بنت ليا انا وصلاح هنسميها هانيه
ام صلاح:حبيبتي يا هاله ربنا يحفظك و تفرحي و يرزقك بالذريه الصالحه يارب
هاله وصلاح:ياارب
______________________________
جاسر:الضابط مريم جوه
الشاويش:لا ياباشا نزلت من حوالي ساعتين
جاسر:تمام
ومشي و رن عليها واما ردت قال:انتي فين يامريم
مريم:في الجيم
جاسر:طب انا جيلك،،سلام
مريم:سلام
و نزل من المديريه و ركب العربيه وطلع بيها
____________________________
في الاسماعليه وفي بيت ليالي كانوا اتغدوا و اعدوا ع كنب فادم قال:ممكن انا وليالي نعد ع انفراد
سعاد:اتفضل يا بني،،، وروحوا ع البلكونه افضل
ادم:شكرا،،يالاه يا ليالي
و قاموا و راحوا ع البلكونه و اعدوا ع كرسي خشب والصمت سيد الموقف لحد اما قال ادم:عرفتي نوع الجنين ايه
ليالي:لا
ادم:طب اي رايك تنزلي معايا مصر عشان نجيب الفستان و نعرف نوع الجنين
ليالي بهدوء:لا شكراً،،،هبقا انزل هنا في اي محل واجيب اي فستان،،حكايه الجنين بقا انا مش عايزاه اعرفها الوقتي
ادم:بس انا عايز اعرفها،،،و الوقتي
ليالي:بس انا مش عايزه،،وكمان
ادم مقطعا باقتضاب:خلاص يا ليالي،، مش مهم
ليالي:ادم متضايقش بس انا بجد تعبانه ومش قادره استفر
ادم:مش مضايق،،خليها مره تانيه،،،والفستان متنزليش انتي انا هجيبه انا هنا
ليالي:شكرا
ادم:العفو،،ويلا نخرج عشان الدنيا ابتدت تبرد وكمان عشان نمشي
ليالي:طيب
وخرجوا من البلكونه و سلم ادم ع عمر ودارين سلمت عليهم بس من تحت ضرسها واحمد سلم ع عمر وسعاد وليالي ومشيوا و ركبوا العربيه وطلع ادم بالعربيه
"""_______""""_____"""_______""
مريم:انت جيت ليه
جاسر:وانتي مشيتي من غير ماتقوليلي ليه
مريم:ما اخدتش في بالي
جاسر:طب بعد كدا ابقي خدي بالك،،،ويالاه بينا
مريم باستغراب:ع فين
جاسر:هنروح نشوف فستان ليكي وبعدها نعدي ع الفيله الي هنعيش فيها عشان لو نقصها حاجه نجيبها
مريم:طيب
وقامت و راحت جابت حاجتها وضبطت هدومها و خرجت وقالت:يالاه
وخرجوا من النادي فجاسر قال:سيبي عربيتك وتعالي معايا
مريم:ماشي
و ركبت العربيه وطلع جاسر بيها فمريم قالت لنفسها بصوت عالي نسبيا:اعزمهم ولالا
جاسر:تعزمي مين
مريم:مفيده وبا،،اصدي طه بيه اعزمهم ولالا
جاسر:انا من راي تعزميهم
مريم:تمام،،انا هقول لجاسمين تقولهم
جاسر:لا طبعا مينفعش،،لازم تقوليلهم انتِ
مريم:لازم لازم
جاسر:اه لازم
مريم:طب قولهم انت بلاش انا
جاسر:لا مش هقول،،ياتقوليلهم انتي يا بلاش
مريم:خلاص هاتصل انا
وطلعت رقم جاسمين و ردت جاسمين وقال:mariam,,,how are you??
مريم: كويسه،، بقولك
جاسمين:yea
مريم:انا عزماكي ع فرحي يوم 9/3
جاسمين:really,,,Congratulations
مريم:الله يبارك فيكي،،هاتلي الداده ميرفت عشان اقولها
جاسمين:ok,,داداه ميرفت،،يا داداه
ميرفت:ايوه يا بنتي
جاسمين:mariam wants to talk to you
ميرفت:ايه؟؟
جاسمين:مريم،،ايزه تكلمك
ميرفت:طب هاتيها
جاسمين وادتها التليفون فمرفت قالت:مريم،،ازيك يابنتي
مريم:انا الحمدالله كويسه،،بقولك ي داداه
ميرفت:قولي يابنتي
مريم:انا عزماكي ع فرحي يوم9/3
ميرفت:بجد ياحبيبتي،،الف الف مبروك،،و ربنا يتممهالك ع خير
مفيده جت في اللحظه ولما شافت ميرفت بتبارك لحد فقالت: بتبركي لمين يا ميرفت
ميرفت:دا فرح مريم كمان شهر ع جاسر،،،وكانت بتعزمني و تعزم الانسه جاسمين،،،بتقولي يا مريم عايزه مفيده هانم ،،اتفضلي يا مفيده هانم مريم عايزه تكلم حضرتك
مريم:يا داداه
مفيده:مبروك يا مريم
مريم:آآ،،،الله يبارك فيكي،،،انا لسه كنت هكلم حضرتك عشان،،،عشان اعزمك انتي و با،،اصدي طه بيه ع فرحي
مفيده:باذن الله،،عايزه حاجه
مريم:لا شكرا،،سلام
مفيده:سلام
وقفلت مريم وقالت بتنهيده:اخيرا
جاسر:محسساني انك كنتي بتحاربي
مريم:افظع يابني،،افظع
جاسر:طب يالاه انزلي
مريم:ليه
جاسر:عشان ننقي الفستان ليكي
مريم:اشطا
و نزلوا من العربيه و دخلوا اتيليه باين عليه فخم و ذوقه عالي جدا فمريم لسه هتقول حاجه لقت بنت جايه عليهم ولابسه هدوم رسميه فقالت بابتسامه لطيفه:اقدر اساعدكم في اي حاجه
جاسر:احنا كنا عايزين نروح القسم الي في فستان الافراح
البنت:طب اتفضلوا معايا
و ودتهم القسم وقالت: حضرتك دلوقتي اتفضلي معايا عشان نشوف الفساتين وتقسيهم في البروڤا
مريم:اروح
جاسر:اه يالاه
مريم:ماشب
وقامت معاها والبن طلعتلها فستان
وادته لمريم و ساعدتها البنت في لبس الفستان وبعد اما خلصوا قالت البنت:اتفضلي شوفي حضرتك في المرايه
مريم و راحت شافت وقالت بصدمه:اي دا
جاسر باعجاب:ايه الحلاوه دي،،،ذوقك رائع يا انسه
البنت بابتسامه:شكرا
مريم:انت متخيل اني هلبس كدا
جاسر:ليه مالو
مريم:بقا انا،، اتش الي بيضربلها تعظيم سلام من اجدعها شنب،،يبقي ظهرها مكشوف كدا،،،اتفضلي حضرتك شوفيلي غيرو
جاسر:اتفضلي حضرتك انتي وانا هصرف معاها انا
البنت:طب عن اذنكم
مريم:يا انسه،،يا مدام،،انتي يابت
جاسر:اسكتي بقا فضحتينا
مريم:الفضيحه الاكبر ان انا البس الفستان دا
جاسر:ليه مهو حلو عليكي
مريم:اولا بيشوك جددا
ثانيا:شفاف
ثالثا:
جاسر مقاطعا بحده:مريم انتي هتلبسي يعني هتلبسي،،،ويلا روحي غيري عشان هناخده
مريم:ي
جاسر مقاطعا بحده اكتر:يالاه
مريم بوعيد:ماشي يا جاسر،،،مبقاش اتش الا لما وريتك
جاسر:هششش مش عايز اسمع صوت و روحي غيري
مريم راحت البروڤا وهيا بتتوعد لجاسر اشد توعد
وغيرت الفستان و لبست هدومها واخده حاجتها وخرجت من البروڤا فجاسر قام وقال:يالاه
و راحوا عند الحساب ووقفوا شويه ووصلوا وجابوا الفستان فالست عاملته ع كمبيوتر وقالت:حساب الفستان يافندم 50000 ج
مريم:نعم ياختي دك 50000 عفريت ينطاطوكي
البنت:اي دا حضرتك،،،دا مكان محترم
جاسر:لا حضرتك هيا بتجب تهزر اتفضلي "وادها الكريت جارد"
مريم:بح
جاسر مقاطعا بحده:مريم،،اسكتي
البنت:اتفضل حضرتك،،وف بنت هتشيل الفستان لحد العربيه عشان ميبوظش
جاسر:طيب "ومسك دراع مريم وقال بضيق"يالاه
مريم وزقت ايده:مبراحه،،،هعرف اجي لوحدي مش لازم تزق
جاسر:طب يالاه
و خرجوا من الاتيليه و راحوا نحيه العربيه وفتح جاسر شنطه العربيه والبنت حطت الفستان ومشيت و ركبوا العربيه وطلع جاسر العربيه فمريم قالت:علفكره مكنش ليها لازمه الفستان دا،،،دا غالي جدا
وبعدين مش عجبني
جاسر:مريم،،،اسكتي ومش عايز كلام في الموضوع دا،،فاهمه
مريم:طيب،،بس انت جبت البدله
جاسر:لا وهنروح نجبها اهو
مريم:طيب
وطلع بالعربيه
_____________________________
عند نورا
كانت في اوضتها واعده ع اللاب بتعمل شغل وخلصت ولقت موبيلها بيرن وكان عمر فردت وقالت:عمر،،،وحشني
عمر بصرامه:وانتي لا
نورا:ايه
عمر:
______________________________
