آآســـف علــى الـآآزعــاج (4)

بسم الله الرحمن الرحيم

آآســـف علــى الـآآزعــاج (4)

ظَلت كَاريمان وَاضعة مكعبات الثلج علي يده .. ينظر هو لها .. غير مٌصدقاً بما تفعله .. ثٌم فتحت المَرهم .. ودهنت له يده .. كٌل هذا بدون أن يَنطق أياً مِنهما أي كَلمة .. بعد قليل تركته .. ما إن فتحت باب الغٌرفة لتنصرف .. حتي وجدت سلمي في وجهها .. تنظر لمكعبات الثلج قَائلة.. :

_ إيه اللي في إيدك ده !!

_ زي ما إنتي شايفة .. تلج ..

_ كل ده عشان اتحرق في إيده !! .. مهانش عليكي للدرجة دي ؟!

_ سلمي لو سمحتي ..

_ مِش عَاوزة أسمع حَاجة يا كاريمان .. شوفي كنتي رايحة فين نتكلم بعدين .. 

تَركتها كاريمان .. ونزلت للأسفل .. وإتجهت إلي الغٌرفة التي بها أحمد ..

لَتجد لميا جالسة أمامه علي الأرض .. علي رأسها إيشارب ملفوف .. وتضع رأسها بين يديها نَاظرة للأرض .. وأحمد مازال مٌبتلاً .. ومازال يغني ..

_ اللي مني .. مزااااعلني ..

بس أناااا أحب اللي مني ،. وأموت في اللي مني .. 

ااااه الكلام ده مش بكيفي .. 

غصبن عني يا ناس ظروووفي .. 

لتِنظر له سَلمي نَظرة إستحقار قَائلة: 

_ إنت يلاه ليك خال أهبل ؟!

_ لأ عَمتي كَانت بعافية شووية .. 

_ إنت عَملت إيه في البت ؟؟!.. مالها قَاعدة كده ليه !! ..

لميا .. يا لمياااا ..

لميا لا ترد .. 

_ إنطق عملت فيها إيه ؟!!

_ هكون عملتلها إيه يعني !! .. منا متنيل متكتف .. هي اللي من ساعة من دلقت عليا الميه وهي فضلت تزعق وبعدين ربطت دماغها وقاعدة كده زي المتطلقة !!

_ برئ يا واد ..

_ برئ برئ برئ .. معرفش ليه أنا محبوس برييييييئ .. 

تَرفع لميا رأسها .. وتَنظر له ..ثٌم تَنظر ل سلمي قَائلة في صوتَ هادئ ..

_ بصي .. أنا تعبت خلاص .. مش عارفة أعمل معاه إيه !! أكل ومنعته عنه ! .. ميه ودلقت .. ناقصني أجيب ديناميت هِنا وأفجره !!

ليرد هو بدلاً من سلمي قائلاً:

_ هتجيبي ديناميت منين بس دلوقتي .. اقولك إنتي تجيبي حبل أحسن وتعدميني .. كده الموتة ألطف .. فهماني ..

تٌعيد سَلمي نَفس نَظرة الإستحقار قَائلة..

_ ممكن تخرس يلاه بقي شووية !! 

_ احترمي نفسك طيب .. انتي مش عارفة انتي بتكلمي مين ؟!

_ هو كٌل وَاحد هاجي أكلمه هيقوله انتي مش عارفة إنتي بتكلمي مين .. ما تفوقوا بقي بطلوا قرف -.- 

_ والله لتندموا .. 

_ تَعالي يا سلمي .. مش قادرة أبص في وش الحيوان ده .. 

لتٌغادر سَلمي ولميا الغٌرفة .. وَسط صوت أحمد الذي بدأ في الغٌناء مٌجدداً .. بصوته المستفز :

_ كل البنات بتحبك .. كل البنات حلوين .. 

طبعا يا سيدي يا بختك وإنتَ اللي زيك مين 

...........................

ذَهبت لميا إلي كَاريمان التي كَانت تَجلس مع سيجارتها أمام شِباك يَدخل مِنهٌ الشَمس .. في المَكان الذي إعتادوا أن يجلسوا فيه .. تجلس لميا بِجانبها .. ومازال علي رأسها الإيسارب الملفوف .. تصمت قليلاً ثٌم تَنظر لَها قَائلة: 

_ بقولك إيه مَا تجيبي سيجارة ؟! 

بِدون أن تَنطق لميا بَكلمة .. أخرجت سيجارة مِن العِلبة .. وأعطتها لها .. أشعلتها لَميا وهي تَنظر ل كاريمان قَائلة:

_ ممكن أسالك سؤال ؟!

..............................

تَنزل سَلمي إلي الأسفل .. لتقابل نور عند باب الغٌرفة التي تجلس فيها كاريمان ولميا .. في يدها الطَبق الذي كان به الساندوتشات .. تَنظر لها سَلمي مٌربعة يَدها قَائلة: ..

_ إيه الطبق ده ..

_ هه .. أصل .. أصل ..

_ إنتي طلعتيله أكل يا نور ؟!

_ ماهو .. ماهو .. ما أنا قالتلك قبل كده إنه بياخد دوا .. ولازم ياكل ..

_ يا نهار اسود عليااا !!! .. واحدة بتحط التاني تلج عشان ايده اتحرقت .. والتاتية مطلعة الباشا بتاعها اكل .. اعمل فيكوا ايه طيب !!

_ فيها ايه يعني يا سلمي .. عادي يعني !!

تتنهد سلمي تَنهيدة تٌغمض فيها عينيها قَائلة: 

_ نور .. خشي جوه .. نتكلم بعدين ..

ما إن أنهت سَلمي جٌملتها الأخيرة حتي سَمعت صَوتاً آتياً مِن دَاخل الغرفة المَحبوس بِها حَسن .. إستنتجت سَلمي الكلام الذي يقوله ..

_ يااا اللي هناااا .. يا اللي خطفنني .. حد يرد علياااا ..

لتدخل سلمي عليه قَائلة في عصبية : 

_ إيه الصداع ده !! .. في إيه ..؟؟ 

_ إنتوا هتفضلوا سايبني هنا كده كتيير .. انا زهقت !!

_ مِش فَاهمة بردو في إيه ؟

_ هو إيه اللي في إيه ؟! .. أنا عَاوز أروح .. عاوز أمشي من هِنا .. 

_ مينفعش ..

_ " مٌقلداً صَوتها " : مَينفعش لِيه إن شَاء الله .. 

_ كده .. عشان إنت لو خرجت مِن هِنا .. هتروح تبلغ علينا .. وبالتالي هنروح في ستين داهية .. وساعتها لما نروح في داهية .. ونرجع مِنها إن شاءالله هنقتلك .. ف ليه وجع القلب ده .. خليك معانا أحسن .. 

_ صدقيني مش هوديكوا في داهية .. انا ولا شفتكوا .. ولا اعرفكوا !! ..

_ بس بقي .. كفاية كدب .. كلكم كدابين زي بعض ..

_ وإنتي بقي جربتينا كٌلنا ..

_ لَا يا روح أمك مجربتكوش كلكوا !! .. بس ده المعروف يعني إنكوا كدابين ..

_ وليه سيرة الأم بس طيب .. ! وبَعدين عَلي فِكرة .. مش كلهم كدابين .. عندك أنا مثلا اهو .. عمري ما كدبت علي واحدة ..!

_ مسألتكس علي فكرة ..

_ أنا بوضحلك المَعلومة بَس علي فكرة ..

_ غبي ..

_ ليه الغلط طيب يا سلمي ..

_ سلمي !! إنت بتندهني بإسمي ليه ان شاءالله!

_ فيها حاجة دي .. هو إسم المرأه بقي عورة ولا إيه ؟!

_ استغفر الله العظيم من كل ذنب عظيم .. 

أنا ماشية ..

_ طب طلعيني لصاحبي .. عشان خاطري ،.

_ يابني هو إحنا متربيين سوا !! إنت مين أصلاً عشان يبقالك خَاطر عَندي ! .. 

_ طيب من غير زفت خاطر ، بصي طلعيني ل أحمد واوعدك مش عاوز حاجة ولا هتسمعي صوتي بَعد كده !

_ اه ان شاءالله.. 

...............

تأخد كاريمان نَفساً مِن سيجارتها قَائلة: 

_ سؤال إيه ؟

_ إنتي لسه بتحبيه ؟!

تٌخرج دٌخان السيجارة من فَمها قَائلة. ..

_ يِمكن .. بس مقدرتش أشوفه بيتعذب قدامي .. مستحملتش منظر إيده .. عَشان كِده جِريت وجبتله التلج والمرهم بسرعة .. 

_ مع كٌل اللي عَمله فيكي يا كاريمان ،.

_ شٌفتي الهبل اللي أنا فيه .. عَارفة يا لميا .. أنا إتعذبت كتير أووي مَعاه ..تَخيلي وَاحد كان مَعاكي علطول .. مبتسبوش بعض لحظة ،، كان وعدك انه هيتجوزك .. وييجي في الآخر يقولك سوري أنا زهقت ولازم أسيبك .. وياريته عَمل كِده بس .. اكتشفت بعديها إنه كان بيكلم ٤ عليا .. 

_ عَملها إزاي دي !! 

_ زي السٌكر في الشاي ..

_ نعم ؟

_ هو قالي كده لما قولتله عملتها ازاي ..عَارفة لما بطلعله دلوقتي وأفضل أغيظ فيه كده .. ببقي علي تكة وهعيط .. بس بمسك نفسي ..

_ يااه .. بتحبيه للدرجة دي ..

_ يمكن أكتر .. 

_ هٌما ليه مبيحسوش ، بجد .. ومش فارق معاهم اللي إحنا بنعمله دي !! .. فاكرينها جايبنهم هِنا عَشان نتسلي وخلاص .. 

لَتٌقاطعها نور التي تَجلس ورآءهم قَائلة..

_ عارفين ليه إحنا مش قادرين نِعملهم حاجة .. عَشان هَما عَارفين إن هٌما مِش هيهونوا علينا زَي م إحننا هٌننا عليهم ..

كاريمان : أخيراً نَطقتي .. أومال عَامللنا ليه فيها الخرسة ،،

دَخلت سَلمي عليهن .. مٌربعة يديها .. تَنظر لَكاريمان ونور في غَضب قَائلة: 

_ خلاص ؟؟ صعبوا عليكوا أووي .. ده إحنا لسه مكملناش أسبوع حتي !! 

كاريمان : مَكانش ينفع يا سلمي أسيبه كده .. ايده كانت حمراا أووي .. 

نور : ولا أنا يا سلمي كَان يِنفع أسيب نَادر من غير أكل ..

_ لا والله .. خلاص كل واحدة فيكوا عملتلي فيها الحنينة !! .. نسيتوا اللي عملوه فيكم ؟!!

نسيتي يا كاريمان انه ضحك عليكي وقالك هيتجوزك ورماكي زي الكلبة لما زهق منك ؟ وانتي يا نور هانم .. نسيتي إنه طلقك وإتجوز صاحبتك !! .. لأ فوقوا بقي شووية .. وبَطلوا اللي إنتوا فيه ده ..

صَمت تَام ،، لَم تَنطق أي وَاحدة مِنهٌن بِكلمة .. تَخرج سَلمي من باب الغٌرفة التي أغلفته ورآءها بَعنف .. وتِنزل إلي الأسفل .. في المدخل .. تَنظر للشَمس التي في طريقها للغروب ،، لتٌعاود النَظر مَرة آخري إلي البيت .. التي نَظر حسن من إحدي شبابيكه قَائلاً: 

يا أخت سلمي بقي ،، أبوس رِجلك طلعيني لصاحبي ،

لتنفخ سلمي .. وتَدخل مجدداً إلي البيت ..

فَات ٣ أيام .. لَم تَصعد فيهم أي وَاحدة إلي الأعلي .. ذَهبت سلمي إلي غٌرفة حَسن .. طَلبت منه أن يَمشي أمامها .. مٌلصقة المٌسدس في ظَهره .. صَعدوا إلي الأعلي ،. الغرفة التي فيها أحمد .. ما إن رأي أحمد وحَسن بَعضهن .. حَتي صَاح أحمد قَائلاً:

_ صدييييقي ،، إنت معاهم في نفس اللعبة بردو ..

_ واحشني يا بن الكلب .، ياااااااه والله زَمان ..

تٌتبعد سَلمي المٌسدس عَن ظَهره قَائلة في سٌخرية :

_ والله زَمان إيه !! هو كان مهاجر ليبيا ..

ليَنظر لَها أحمد قَائلاً..

_ لو سمحتي يا آنسة انتي .. سيبيني مع صاحبي شووية ..

_ مش عايزين كوبايتين شاي ؟

_ ياريت والله ..

حسن : وياريت حتة الحشيش اللي إنتوا قلبتوها مني 

_ إيه ده ياض إنت كَان مَعاك حشيش وقلبوه مِنك ؟

_ آه يا عم 

_ نَظر إلي سَلمي قَائلاً بإبتسامة سَخيفة ..

_ تِلاقيكي شربتيه يا خلبوصة .. عارفكوا انا تقولوا حشيش يااي وحشيش نوو ،، وبليل تلفوا وتلزقوا فيه وتشربوه .. 

_ إنت بني آدم مش محترم علي فكرة ..

_ إنتي لسه واخدة باالك .. ده أنا من زمان كده .. إيش حَال مَكوناش عِشرة أسبوع يا سوسو ..

_ سوسو في عينيك وعين أهلك .. يا ربي لميا ح معاها حق !! اللي زي ده مبيحوقش فيه حَاجة .. أنا ماشية .. وانت ياللي اسمك حسن .. متفتكرش إنك هتقيم هنا ..شووية وهترجع مكانك ..

_ اوكي اوكي ..

_ جَاتكم القَرف .. 

تَخرج سَلمي مِن هَذة الغٌرفة .. وعَفاريت الدنيا أمامها .. بينما يجلس أحمد مع صديقه حسن .. 

_ والله زمان يا ابو حمييد

_ واحشني يا ابو علي والله .. بس انا زعلان منك ..

_ ليه يا زميلي بس ؟!

_ ينفع كده ياخدوا منك حتة الحشيش وانت واقف تتفرج .. 

النِسوان دي مش تمام .. النسوان دي فاكرانا خرفان ..

_ متقلقش يا عشري .. أنا عندي الحل ..

_ عشان نرجع حتة الحشيش ،،؟

_ لا يا غبي ، عشان نخرج من هنا !!

_ هنعمل إيه ..

_ هقولك ..

فٌكني بس بسنانك .. وانا هقولك بالظبط هنعمل إيه ..

لا تنسونا من صالح دعائكم