بسم الله الرحمن الرحيم
#الحلقه_الرابعه_عشر
اسير فى العربيه
اسير:ها يا ملك عملتى ايه مع مراد
ملك:هو قالى انه هيكلم بابا
اسير:متعرفيش امتى؟؟
ملك:لا مقاليش بس اكيد قريب
اسير:ربنا يتمملكم بخير
ملك:يا رب................ماما عجبتها الفستان اوى
اسير: الحمد لله عقبال فستان الفرح بقى
ملك:هو انتى مش ناويه تفرحينا
اسير:عندك عرييه
ملك:ليه هو انتى مبيجلكيش عرسان
اسير:لا بيجى بس انا برفض
ملك:ليه ؟؟؟
اسير:مش عارفه بس كل اللى اتقدم مش عاجبنى
ملك:غريبه انتى حلوه وزى القمر
اسير:يمكن علشان ده هو السبب هم مش بيجا لشخصى بيجوا لبنت الحلوه الدكتوره بس كده مش لشخص اسير
ملك:اكيد رنا شايلك الاحسن
اسير:اكيد يلا بقى وصلنا
********************
دخلت اسير المحل اللى اتفقت انها تقابل ادم فيه
ملك:انتى عاوزه ايه بالظبط
اسير:عاوزه اشترى شويه حجات لسهى وعمتو
ملك:اوك بس مش المفروض يجو هم يقيسو
اسير:انا عارفه مقاسهم يلا بقى ننقى
قعدت اسير تنقى الحاجه وهى رايحه تحاسب خبطت فى واحد
اسير وقعت منها الحاجه
ادم:انا اسف مخدتش بالى
اسير:لا محصلش حاجه
وشالها الحاجه وادهالها وبعدين اداها الميكرفون مع الحاجه من غير ما حد يحس
اسير حاسبت وخدت الحاجه هى وملك ومشيت
اسير:ها يا ملك هتيجى معايا ولا هتروحى
ملك:هاجى معاكى بس تعالى ناكل الاول لان انا جعانه
اسير:طب يلا انا كمان جعانه
راحوا مطعم اتغدوا وراحوا كملوا شرا الحاجه واسير وصلت ملك وروحت
***********************
اول ما روحت
اسير قعدت فرجتهم الحاجه اللى هى شرياها ودخلت الاوضه تكلم سيف
اسير:الو
سيف:احلى الو سمعتها فى حياتى
اسير:بتبالغ اوى
سيف:لا عمرى ما ببالغ
ها عملتى ايه
اسير:مفيش روحت اشتريت الحاجه ورحنا اتغدنا وكملنا شرى
بس فى واحد خبطنى لسه دراعى واجعنى لغايه دلوقتى
سيف:اعمى ده ولا ايه
اسير:معرفش والله بس انا هلكانه وهموت من التعب ولسه هبدا شغل فى الدعاوى
سيف:متتعبيش نفسك دلوقتى مش هطير يعنى
اسير:لا لازم ابدا فيها المهم ها هتعرف تيجى نخرج بكره
سيف:دا انا افضى نفسى علشانك
اسير:ماشى وانا هستناك هقفل دلوقتى علشان ابدا شغل
سيف:طب خدى بالك من نفسك
اسير:وانت كمان باااااى
سيف:بااااااااااااى
قفلت اسير وهى مش طايقه سيف وكلمت ادم
اسير:الو
ادم:الو عامله ايه
اسير:ايه يا عم الخبطه دى انا دراعى وجعنى اوى
ادم:معلش والله مكنش قصدى
اسير:حصل خير انا بكرة هركب مع سيف العربيه وهحط البتاع ده فيها
ادم:بتاع انتى متاكده انك كنتى عايشه فى لندن
اسير:ايه مالى طبيعيه جدا
ادم:اه فعلا طبيعيه
المهم خدى بالك من نفسك وانتى معاه
اسير:حاضر
ادم:هسيبك انا دلوقتى عاوزه حاجه
اسير:لا عاوزه سلامتك
بااااااااااااى
****************************
اسير قفلت مع ادم وبدات تشتغل فى الدعوات سهرت فيهم طول اليل وخلصت جزء كبير منهم
تانى يوم الصبح
اسير اول ما الكل صحى خرجت بس طبعا ما قلتش لحد انها منامتش
قعدت معاهم شويه وراحت المستشفى وزى كل يوم كلمت سيف
اسير:الو
سيف:وحشتينى
اسير باصتناع التعب:ازيك يا سيف
سيف بقلق:مالك فى ايه صوتك تعبان
اسير:لا ابدا مفيش حاجه
سيف:لا طبعا فى مالك
اسير:تعبانه شويه انت عامل ايه؟؟
سيف:انا مش كويس طول ما انتى تعبانه
اسير:لا متقلقش انا كويسه بس حبيت اكلمك لانى عندى عمليه دلوقتى واحتمال اطول فيها
سيف:طب انتى متاكده انك كويسه
اسير:اه الحمد لله كويسه
هستناك على 5 نروح مع بعض ماشى
سيف:ماشى خدى بالك من نفسك
وقفلوا اسير طول اليوم فى شغلها
******************************
ملك فى الجامعه قابلت دكتور مراد
مراد:ازيك يا ملك
ملك:الحمد لله انت عامل ايه؟؟
مراد:كويس الحمد لله على فكره انا كلمت بباكى وحددت معاه معاد هروحله البيت النهارده
ملك:اه طب ماشى عاوز حاجه
مراد مبسوط انه شاف ملك مكسوفه
:لا مش عاوز حاجه حبيت اسلم عليكى
ملك:الله يسلمك همشى انا دلوقتى
مراد:خدى بالك من نفسك
ملك:حاضر يلا سلام
ملك مشيت ومراد كان مبسوط اوى
*****************************
عند طارق وسهى كانوا واقفين فى المطار مستنيين اهلها
اهلها اول ما جم
فتحى"ابوها":ازيك يا طارق عامل ايه
طارق:الحمد لله يا عمى ازيك انت ازيك يا طنط
سعاد"امها":الحمد لله يا طارق اخيرا هتتجوزا
سهى:اه يا ماما اخيرا
طارق:يلا نمشى دلوقتى نروح على البيت
فتحى:احنا هنروح بتنا يا طارق وسهى هتيجى معانا
طارق:هى كانت قاعده معانا يا عمى علشان متقعدش لوحدها
فتحى:انا واثق فيك يا طارق بس احنا جينا خلاص تيجى تقعد معانا
طارق:ماشى يا عمى
سعاد:حجزتوا الفندق
سهى:اه يا ماما حلو اوى هيعجبكوا جدا
سعاد:ربنا يتمملكوا بخير
سهى وطارق:يا رب
**********************************
ملك اول ما روحت باباها نده عليها
ملك:خير يا بابا فى حاجه
احمد:تعالى يا ملك عامله ايه؟
ملك:الحمد لله يا بابا
احمد:يا رب دايما يا حبيبتى
ملك انتى تعرفى دكتور عندكم فى الجامعه اسمه مراد
ملك:اه يا بابا ده بيدينى
احمد:تعرفى عنه ايه؟؟
ملك:مش كتير هو معيد فى الكليه وبيحضر ماجستير معرفش حاجه تانيه
احمد:بس هو قالى انه اخد رقمى منك
ملك بارتباك:والله يابابا انا مبتكلمش معاه خالص هو جه ناده عليا وطلب رقم حضرتك وقالى انه عاوز يتقدملى متكلمتش معاه فى حاجه تانيه
احمد بابتسامه:يا حبيبتى انا واثق فيكى المهم انتى موافقه
ملك:حضرتك رايك ايه؟؟
احمد:بصى انا لسه هسال عليه بس حاسس انه كويس
ملك:اللى حضرتك تشوفه
احمد:فكرى وردى عليا
ملك:حاضر
سابت ملك ابوها وطلعت اوضتها وقعدت تفكر فى مراد حبيبها ودى اول مره تبقى مبسوطه وهى بتفكر فيه لانها دايما حاسه انها بتعمل حاجه غلط
************************
نروح لاسير خلصت شغل وخرجت لقت سيف مستنيها
اسير:ازيك يا سيف
سيف:مش كويس انتى لسه تعبانه
اسير:لا بس بيتهيالك
سيف:بجد
اسير:بجد يلا بقى
سيف:يلا
ركبوا العربيه وهى عملت نفسها دايخه
سيف:مالك يا حبيبتى
اسير:مش عارفه دايخه اوى
سيف:طب انتى كلتى حاجه
اسير:لا
سيف:ده كلام يعنى
هنروح نتغدى دلوقتى
اسير:اقف بس على جمب هاتلى اى عصير
سيف:حاضر
نزل سيف يجبلها عصير وهى استغلت الفرصه وحطت الميكرفون فى العربيه وشافته جى من بعيد عملت نفسها دايخه تانى
سيف ركب واداها العصير
سيف:خدى يا حبيبتى اشربى
اسير شربت شويه من العصير
سيف:لا اشربيه كله
اسير:لا كفايه كده انا هبقى كويسه بس معلش يا سيف روحنى
سيف:خايف عليكى خايف اسيبك لوحدك
اسير:لا متخافش انا بقيت كويسه بس محتاجه انام علشان منمتش من امبارح
سيف روح اسير وهى طلعت تكلم ادم
