بسم الله الرحمن الرحيم
#الحلقه_الخامسه
ملك لبست ونزلت لفريده وسيف............
ملك:عمتو مش المفروض نكلم ماما نبلغها ......
فريده فى سرها:ال يعنى هيفرق معاها.
فريده:لا يا حبيبتى خليها مسافره متخضيهاش.....
لسه هيخرجوا دخلت عليهم احلام"ام ملك"
احلام:ايه رايحين فين دلوقتى.....
ملك:حمد الله على السلامه يا ماما...........بابا بس فى المستشفى هنروحله ......
احلام بقلق مصطنع:ماله عنده ايه؟؟
ملك:حكتلها على كل حاجه....
فريده باصطناع اللهفه:استنوا انا جايه معاكم لازم اطمن عليه......
********************************
نروح لاسير فى المستشفى.......
قاعده جمب ابوها فى العنايه وبتفكر
اسير فى نفسها:مش انا المفروض ابقى مش طايقاك ومش عاوزه اشوف وشك بس..............
انا مش عارفه ليه انا قلقانه عليك.............
ليه رغم انت معملتش حاجه حاوه ليا فى حياتك...........
معملتش غير انك حسستنى انى لوحدى حتى لو حواليا ناس كتير بتحبنى................
اه خالو مصطفى دايما كان بيحسسنى انى بنته وهو ابويا ...............
بس انت
فين من دا كله..................
كان نفسى تبقى جمبى لما روحت اول يوم مدرسه .............
اما كنت بتعب مكنتش بلاقيك جمبى...............
لما دخلت الجامعه كان نفسى الاقيك جمبى...............
اما اتخرجت يوم التخرج كنت بلاقى خالو وماما وطارق بس ...............
اهم واحد الوحيداللى كان نفسى يبقى جمبى مكنش موجود..............
تعرف كنت متوقعه انه اول ما اشوفك هبقى حاسه بكره نحيتك.................
بس محستش كده.....................
ثم مسحت دمعه نزلت منها وقامت وسابته..............
********************************
خرجت لقتهم جايين عليها ملك وفريده واحلام وسيف..................
ملك:ها يا دكتوره طمنينى؟؟؟؟
اسير:ما تقلقيش هو كويس ممكن على الصبح ننقله اوضه عاديه...
احلام بتكبر:انتى بقى اللى عملتيله العمليه.............
اسير:ايوه انا خير..................
احلام:بس انتى شكلك صغيره اوى مش قد المسؤليه يعنى........
اسير:بمعنى؟؟؟؟؟؟؟؟؟؟؟؟
احلام:احنا لازم نجيب دكتور كبير يشوفه ويطمنا.................
اسير:اتفضلى ...........
براحتك.....
كل ده وفريده واقفه متنحه على اسير بتشبه عليها حاسه انها شافتها قبل كده..........
بس مش فاكره فين.......
سابتهم اسير ومشيت............
احلام:سيف عاوزين نشوف دكتور كبير يجى يشوفه...........
سيف:حاضر.....
**********************************
عند طارق ومصطفى...............
طارق:انا حاسس ان اسير خافت عليه بجد ............
احساس بنت بابوها مش زى مهى قالت.......
مصطفى:اسير محتاجه تحس حنان الاب حتى قسوته نفسها تحس بابوها...........
طارق:طب بكره نروح نشوف حل للموضوع............
مصطفى:ان شاء الله ...............يلا قوم نام.......
تانى يوم الصبح......................
*******************************
اسير راحت اطمنت على ابوها ونقلته اوضه عاديه...............
احلام جابت دكتور كبير يكشف على احمد..........
الاول راح لاسير وعرف تفاصيل الحاله واللى حصل فى العمليه وراح يكشف على احمد...........
الدكتور:لالالالالالالالا الحاله مستقره جدا متقلقوش وبعدين الدكتوره اللى عملت العمليه شكلها دكتوره شاطره جدا..............
دى تقريبا انقذتك بمعجزه..........
احمد بتعب:الحمد الله يا دكتور.
احلام :طب كويس بس الدكتوره شكلها مش خبره خالص.....
الدكتور:لا يا مدام دى شكلها دكتوره شاطره فعلا دى انقذت حياته مش اى دكتور كان يعمل كده.............
عمتن حمدالله على السلامه.................
وسابهم ومشى
..............
بعد شويه اسير مرت عليهم فى الاوضه بتطمن على الحاله.............
اول ما دخلت.......
اسير:صباح الخير....
كلهم:صباح النور.....
بدات اسير تكشف عليه واحمد برده بيشبه عليها.....
"اصل اسير فيها شبه كبير من جميله وهى صغيره"
ملك:شكرا يا دكتوره على اللى انتى عملتيه علشان بابا.......
اسير:انا معملتش حاجه ده شغلى......
سيف:لا يا دكتوره انتى انقذتى حياته......
احلام:ايه انت وهى دا شغلها اللى بتاخد عليه فلوس.....
اسير:سابت اللى فى ايديها وبصتلها بصه معينه بتحمل معانى كتير........
ملك:ايه يا ماما ده .........
ماما مش قصدها يا دكتوره.....
اسير:عادى هى عندها حق دا شغلى ...........
بس مش بالفلوس اللى باخدها............
ثم كملت كشف وخرجت.........
احمد كان فى دنيا تانيه خالص بيفتكر احلى ايامه مع جميله فاق على صوت فريده.........
فريده:ايه اللى انتى قولتيه ده؟؟؟؟؟؟
احلام :عادى يعنى قولت ايه مش دى الحقيقه.....
فريده:الحقيقه انها انقذت حياه جوزك.........
نسيبهم يتخانقوا شويه......
اسير اول ما خرجت قالتلها الممرضه ان مصطفى عاوزها..........
راحت على مكتبه.......
اسير:صباح الخير يا خالو......
مصطفى:صباح الخير يا حبيبتى..........
ها احمد عامل ايه دلوقتى.......
اسير:حكتله اللى حصل من اول ما جه لغايه دلوقتى...........................
خالو تفتكر اللى عملته ده صح واللى انا حاسه بيه.......
مصطفى:دا هو ده الصح..........
بصى وحكالها اللى كانوا عاوزين يعملوه...............
اسير:ايه يا خالوا لا طبعا اروح اقوله انا بنتك لالالالالالا طبعا......
مصطفى:بزمتك لو كان مات وهو ميعرفش انك بنته كنتى هتعملى ايه مش كان المفروض نقوله................
بصى يا ستى انا اللى هقوله ملكيش انتى دعوه...............
وبعدين هو ندم خلاص بقى................
ولا انتى مش حاسه انه ندم.......
اسير:عارف يا خالوا وهو بيفوق من البنج............
كان قاعد يقول سامحينى يا اسير .....
انا بحبك يا جميله سامحينى..............
متزعليش منى يا فريده...........
حسيت قد ايه هو ندم...
مصطفى:يبقى نقوله بقى وانا اتفقت مع جميله خلاص.............
اسير:ماشى يا خالوا قوله.........
بس مش دلوقتى استنى كام يوم كده.........
بس والله الحيزبون مراته لو قالتلى كلمه مش هسكتلها.........
مصطفى:قعد يضحك لغايه ما عنيه دمعت ........
الحيزبون ماشى يا اسير...............
يلا على شغلك ..........
اسير:خدت غرضك انت وسبتنى..........
مصطفى :امشى يا بت...........
*****************************
مصطفى خد قرار انه يروح لاحمد دلوقتى يقوله علشان حالته تتحسن............
تك تك تك.......
ادخل............ودخل مصطفى..............
مصطفى:حمدالله على سلامتك يا احمد.....
احمد وفريده:مصطفى.......؟؟؟؟؟؟؟؟؟
فريده بصتله بشوق وهو كمان بس كل واحد شاف ان مش من حقه البصه دى......
مصطفى:ازيك يا احمد..
احمد مستغرب مش عارف يتكلم........
عاوز يساله على اسير مش قادر......
مصطفى:ايه مالكم مستغربين كده ليه ان انا هنا ..........
المستشفى دى بتاعتى..........
اهو الفلوس اللى بنحوشها طول عمرنا على ورثنا وعملنا المستشفى..............
احمد عاوز يساله بس متردد مصطفى فهمه........
مصطفى:ايه يا احمد مش عاوز تسال على حد........
احمد بلهفه:هى فين بنتى فين.........
مصطفى:مع انى كنت متخيل انك اول ما تشوفها هتعرفها...........
بس عمتن انا هبعت اجبهالك.........
احمد:بسرعه يا مصطفى........
مصطفى:نده على ممرضه وقالها تبعتله اسير.........
اسير:اتخضت اول ما عرفت انه عاوزها فى اوضه ابوها خافت عليه جدا وطلعت عليه جرى............
اسير فتحت الباب ودخلت جرى لقتهم كلهم قاعدين ومفيش حاجه خالص.........
اسير:هو فيه ايه خير...........
مصطفى لاحمد:اعرفك الدكتوره اللى انقذت حياتك ....................
دكتوره اسير الوكيل...........
بنتك
