بسم الله الرحمن الرحيم
#الحلقه_الاولى
"اسير":بطلتنا عندها27 سنه بتشتغل دكتوره جراحه فى مستشفى خالها كل الناس بتحبها وشاطره جدا فى شغلها.
اول ما دخلت المستشفى راحت على مكتب مدير المستشفى.
اسير:صباح الخير يا حبيبى.
الشخص:صباح الخير يا بكاشه احنا كنا لسه مع بعض.
اسير:الله بقى يا خالو منتا بتوحشنى علطول.
مصطفى"خالها":وانتى كمان يا حبيبتى.... بس قولى بقى عاوزه ايه.
اسير:دايما فاهمنى كده.
مصطفى :طبعا يا حبيبتى تربيتى.
اسير: طيب بقى يا خالو ماما بقالها فتره مش مظبوطه متعرفش مالها.
مصطفى :متسأليها انا مالى.
اسير: مهى مش راضيه تقول واكيد قيلالك.
ثم اتبعت بدلال هو مش انا حبيبتك بارضو يا عسل.
مصطفى :بت انتى بطلى حتى لو قيلالى مش هقولك…. هى لو عايزه تقولك هتقول غير كده انا مليش دعوه........ويلا بقى على شغلك.
اسير:منا عارفه انك مش هتقول..بس ابقى افتكرها بس يا خالو ها ماشى انا هقوم اشوف الواد طارق.
مصطفى :نفسى مره تحترميه وتقوليله يا خالو زى ما بتقوليلى.
اسير: لالالالا خالو دا ايه اللى اقولهاله.
ثم قالت بدلع..مفيش غير خالو واحد بس هو اللى فى قلبى.. ثم قبلته ...يلا بااى يا خالو..
........................................
فى مكان تانى خالص..
فى قصر يدل على حسن الذوق والرقى فى ارقى مناطق الاسكندريه.
:بابا يا بابا يا حبيبى.
:حبيبه بابا عامله ايه ملوكه؟
ملك:الحمد لله يا بابا بس انت وحشتنى اوى اوى اوى بقالك كتير مشغول عنى كده يا حماده انا زعلانه منك.
احمد"ابوها":يا بنتى انا ابوكى بلاش حماده دى......... ثم همس لها امك بس اللى تقول كده.
ملك:ايوه بقى قول كده ماشى يا حبيبى الله يسهله.
بص انا عايزه اخرج معاك النهارده.
احمد:مش هينفع النهارده خليها بكره.
ملك :ماشى بس يا رب نخرج مش زى كل مره.
احمد :حاضر يا حبيبتى وعد.
ملك:اوك يا بابا همشى انا راحه الكليه عاوز حاجه منى.
احمد :شكرا يا حبيبتى خدى بالك من نفسك
ملك قبلت احمد ومشيت..
احمد فى نفسه:كان نفسى اختك تكون معانا...
.........................................................
نذهب لمكان اخر جامعه الأسكندرية
بعد ان غادرت ملك ركبت سيارتها وذهبت الى الجامعه.
"ملك عندها20سنه طالبه فى كليه صيدلة ......شعرها اسود حريرى تخفيه تحت حجابها بيضاء عنيها عسلى....مزه مزه يعنى....."
ملك:صباح الخير.
الشله:صباح النور.
اسماء "صحبتها الانتيم":اتاخرتى كده ليه المحاضره هتبدا.
ملك:معلش الطريق كان زحمه. ....يلا علشان نلحق المحاضره.....
الشله:يلا.
نذهب لمكان اخر
"معلش كل شويه اخدكم لمكان بقى وتكسيات وزحمه بس استحملونى شويه"
..............................................
نذهب لمجموعه اقتصاديه من اكبر المجموعات الاقتصاديه فى البلاد..
يدخلها رجل هيئته تدل على الهيبه والوقار وشعره قد اخذ منه الشيه والزمان حقه...
احمد:صباح الخير يا منى.
منى"السكرتيره":صباح الخير يا فندم.
احمد:خليهم يبعتولى قهوه وخلى سيف يجيلى.
منى:حاضر يا فندم.
بعد قليل يدخل شاب فى ريعان شبابه الى المكتب
احمد:ازيك يا سيف.
سيف: الحمد الله يا عمى.
"سيف:شعره اسود ناعم طويل القامه عنيه لون البحر جسمه رياضى ابن اخو احمد وبيشتغل معاه ماسك كل شغل عمه هو النائب بتاعه"
احمد:عملت ايه فى المناقصه؟
سيف: الحمد الله يا عمى كله تمام وان شاء الله نخدها.وترسى علينا..
احمد: انا عارف انك قدها وقدود..
سيف: طب انت مالك يا عمى شكلك مش عاجبنى..
احمد:منت عارف يا سيف.
سيف:انت لسه بتفكر فى الموضوع اياه.
احمد: مش هرتاح غير لما اوصلها.
سيف: ان شاء الله يا عمى
بدأوا يكلموا فى شغل
****************************************
نرجع لاسير المستشفى
اسير:ايه يا بنى انت فين من الصبح.
الشخص:موجود بس كان عندى حالات كتير بتابعها وانتى خلصتى شغلك؟؟
اسير: اه والله يا طارق هلكت النهارده كان عندى كذا عمليه لما تعبت.
طارق:حد قالك ادخلى جراحه مالها العظام بس.
اسير:انت عارف انى كنت عاوزه ابقى زى خالوا مصطفى .
طارق:مهو اخويا برده كنت بقيتى زىى..
اسير:مش مهم دلوقتى.... بقولك عاوزه اكلم معاك شويه بره البيت..
طارق :خير فيه ايه؟؟
اسير:هقولك لما نمشى هروح دلوقتى اخلص شغلى ونتقابل لما نخلص.
"طارق:خال اسير اكبر منها ب 3 سنين بس بتعتبره اخوها واكتر بتحبه اوى اوى وهو كمان بيحبها جدا "
طارق:اوك ماشى.
اسير:يلا باااى.
نرجع لملك تانى بعد ما خرجت من المحاضره لقت حد بينادى عليها.
الشخص:انسه ملك.
ملك:ايوه يا دكتور مراد فى حاجه.
مراد:كنت بس عاوز اسالك لو فى حاجه مفهمتهاش من المحاضره.
ملك:لا يا دكتور الحمد الله فهمت المحاضره كلها.
بعد اذن حضرتك.
"مراد:معيد عند ملك فى الجامعه عنده 25 سنه وبيحبها جدا بس مش قادر يقولها"
اسماء :ماله ده عاوز ايه؟؟
ملك : مش عارفه ....سيبك منه.
هروح انا عاوزه حاجه؟؟
اسماء:لا شكرا.
