بسم الله الرحمن الرحيم
#الحلقه_التانيه
نروح للمستشفى بعد ما اسير وطارق خلصوا شغل...........
اسير:يلا يا طارق.
طارق:ماشى يلا ....بس تعالى نكلم جميله نقولها اننا هنخرج.
"جميله:ام اسير واخت طارق ومصطفى بتحبها اوى وبتحب اخواتها اوى "
اسير:طب يلا نكلمها واحنا فى الطريق.
طارق :اوك يلا.....
.....................
عند احمد فى الشركه.........
احمد قاعد بيفتكر زمان اول ما اتعرف على حبيبته.....
كان سايق عربيته وماشى بيها وفجاه جت بنت قصاده وكان هيخبطها...
البنت:ايه غبى مش شايف اعمى انت مثلا..!!!!!!!!
احمد: اتفاجا احمد بجمالها ومعرفش يرد
البنت:ايه كمان اطرش.
فاق احمد على كلامها
احمد:ايه بتزعقى كمان وانتى غلطانه.انتى اللى ظهرتى فجاه.
البنت:يا سلام عفريت انا يعنى انت اللى اعمى مش شايف .
احمد:ايه انتى اللى غلطانه ومع ذلك انا اسف يا ستى....ها عاوزه حاجه تانيه...
البنت: لو كنت موت دلوقتى كنت اعمل ايه باسفك؟
احمد:منتى كويسه اهو مفكيش حاجه خلاص بقى....
البنت :انا هسكت بس علشان انا متربيه....
ومشيت
بعدها احمد قال امال لو مكنتيش متربيه كنتى عملتى فيا ايه؟؟؟؟؟؟
فاق احمد من شروده وقال وحشتينى اوى..........
................................
نروح مكان اول مره نروحه.........
شقه جميله اوى شكلها حلو وزوقها جميل.....
:حمد الله على السلامه.
مصطفى:الله يسلمك يا جميله.
جميله: مالك شكلك تعبان.
مصطفى :انتى اللى تعبانى وتعبانا كلنا.
جميله :ليه يعنى؟؟
مصطفى :اسير النهارده سالتنى انتى مالك مردتش اقولها بس انا وانتى عارفين طلاما اسير سالت يبقى حاسه من فتره ومش راضيه تقول بس لما زهقت سالت كانت مستنياكى تقولى ....
جميله:طب اعمل ايه انت عارف مش بايدى حاجه اعملها انا كده وانت عارف الموضوع حساس بالنسبالى قد ايه......
مصطفى :متقلقيس اسير مش هتسيبك بس شيلى الاوهام من دماغك. على الاقل علشان بنتك.....
جميله:حاضر هحاول.............هقوم احضر الاكل الولاد خرجوا..........
.....................
اسير وطارق فى المطعم ..
طارق:ها تكلى ايه؟
اسير:اى حاجه مش فارقه.
طارق: اه الموضوع شكله كبير....طيب
طلبوا الاكل
طارق:ها مالك بقى؟؟؟؟؟
اسير:شوفت جميله اليومين دول.بقالها فتره متغيره بس ليها كام يوم زاد اوى الموضوع..
طارق:هى من يوم ما رجعنا مصر وهى كدا ايه اللى اتغير؟
اسير:بقيت بحس انها بتعاملنى على انى عيله صغيره.....عارف لو انا معرفهاش كويس كنت قولت انها مش بتثق فيا
طارق:بطلى عبط ايه اللى بتقوليه ده بس هى خايفه عليكى زياده.
اسير:من ايه بقى دا واحنا بره مصر مكنتش كده اما رجعنا بلدنا بقت كده...
طارق:مش عارف بس حاسس ان الموضوع له علاقه بالحكايه القديمه
اسير:طب ايه اللى فتح الموضوع دلوقتى؟
طارق:يمكن علشان كنا بعيد كانت مطمنه ولما رجعنا قلقت.....
اسير :تبقى غلطانه لو فكرت كده انا زى منا متغيرش فيا حاجه بره مصر جوه مصر انا اسير زى منا
..............................
نرجع لاحمد فى الشركه........
احمد:ها يا منى بعتى الميل.
منى :ايوه يا فندم وكل حاجه تمام.
احمد:نفسى احنا ناخد التوكيل ده.
منى:ان شاء الله يا فندم كل الناس عارفين مين هو احمد الوكيل وانت حضرتك كلمتك واحده هم هيستفادوا لو اشتغلوا مع مجموعه الوكيل احنا اكبر مجموعه فى السوق...
احمد:يا رب يا منى.....
...............
اما اسير وطارق
خلصوا اكل وكلام ولسه قايمين يمشوا قابلوا حد قدامهم
الشخص:اهلا اهلا بالدكاترا الكبار.
طارق:اهلا دكتور سعيد.
اسير:اهلا بحضرتك.
سعيد:اهلا بيكم بس بصراحه زعلان منكم
طارق:خير يا دكتور.
سعيد :علشان مردتوش تيجوا تشتغلوا معانا.
اسير:مهو مش معقول نسيب المستشفى بتاعتنا ونيجى نشتغل مع حضرتك
سعيد:مصطفى محظوظ كفايه فى المستشفى عنده"طارق ابو الوفا"و:"اسير الوكيل"
.......................
طارق:طب انتى متنرفزه ليه؟؟؟
اسير:منتا عارف انى مبطيقش اللى اسمه سعيد ده..
طارق:على بابا برده انتى متنرفزه علشان قالك اسير الوكيل صح؟؟؟؟
اسير:ايوه صح.
طارق:يا بنتى طنشى سيبك منه.............بصى بما ان بكره احنا اجازه تعالى نخرج.
اسير:ايه ده بجد!!!!!!!!!!!!طب نخرج من الصبح ونقضى اليوم كله بره...
طارق: ماشى يا ستى علشان خاطرك..
اسير:حبيبى يا تيكو ......انت احسن اخ فى الدنيا.
طارق:على فكره انا خالك.
اسير:يا راجل بتفكر فى حجات غريبه.
....................
المهم نسبنا منهم شويه ونروح لملك اما رجعت من الجامعه نامت واما صحيت.....
تك تك تك.......
:ادخل.
ملك:حبيبتى يا عمتو....
فريده"عمتها":يا بكاشه ........فينك طول النهار...
ملك:كنت فى الجامعه يا عمتو واما رجعت دخلت نمت لسه صاحيه وبابا كالعاده فى الشركه وماما فى النادى.......
فريده:معلش يا حبيبتى متزعليش .......ها احكيلى بقالنا فترك مكلمناش..
ملك بارتباك:مفيش حاجه احكيها يا عمتو..
فريده:عليا برده دا الحب باين فى عنيكى....
ملك:بجد باين؟؟؟
فريده:اه احكيلى بقى هو مين؟؟
ملك:معيد عندى فى الجامعه بحبه بس عمرىما كلمته بحس سعات انه بيحبنى ومهتم بيا بس برجع اققول لا هو مكلمنيش فى حاجه..
فريده:شكلك بتحبيه اوى .......بس يا ترى هو يستاهل الحب ده!!!!!!!!!!!...
ملك بهيمان:اه يستاهل تحسيه راجل كده يعتمد عليه.
فريده:دا كله تعرفى بتفكرينى بنفسى وانا قدك.
ملك:صحيح يا عمتو انتى ليه مجوزتيش لحد لدوقتى.؟
فريده:مينفعش اجوز واحد وانا قلبى مع واحد تانى.
ملك:طب ليه متجوزتوش؟؟
فريده:كنا مخطوبين وحصلت ظروف مكماناش مع بعض زمانه اكيد اتجوز وخلف كمان.
.......................
نسبهم شويه ونروح لاحمد وسيف........
سيف:يعنى يا عمى مش هتيجى بكره؟؟
احمد:لا يا سيف انا وعدت ملك ان بكره ليها كله.
سيف :ماشى يا عمى متقلقش على الشغل...
احمد:انا عارف ان ورايا رجاله.
...........................
نرجع تانى البيت عند جميله............
طارق واسير:يا اهل البيت احنا جينا ......
جميله:اتاخرتوا كده ليه؟
طارق :عادى يعنى خرجنا شويه متاخرناش يعنى.
جميله:لا اتاخرتوا كنتوا فين؟
طارق :فى ايه يا جميله احنا كلمناكى وقلنالك هنروح نتعشى بره.
جميله:ده كله عشا قولوا الحقيقه انتم كنتم فين؟
اسير كانت بتسمع وساكته بس اما جميله قالت كده اضايقت اوى.
اسير:حقيقه ايه كنا بنتعشى وبعدين انا كنت خارجه مع خالى مش مع حد غريب يعنى.
جميله:وانا ايه ضمنى انكم كنتم لوحدكم مش بعيد تكونوا...
قاطعها مصطفى:جميله فى ايه خلاص يا ولاد روحوا انتم ناموا عندكم شغل الصبح.
طارق:احنا داخلين بس متصحوناش احنا بكره اجازه ....يلا يا اسير..
