بسم الله الرحمن الرحيم
#الحلقه_الحاديه_عشر
مراد:سيف..................سيف الوكيل ابن عمك
اسير:ايـــــــــــــــــــــــــــــه؟؟؟؟؟؟؟؟؟؟؟؟؟ ؟
ادم:انت متاكد
مراد:سيف بيتاجر فى المخدرات من خلال شركه والدك وبما ان والدك بيثق فيه ثقه عمياء هو استغل الثقه دى
ظهورك بقى ممكن يعمله مشاكل وفى نفس الوقت عاوز يخلص من احلام فقال يضرب كذا عصفور بحجر واحد
يضمن انك تبعدى عنه او فى اسوء الظروف انتى هتخرجى وهيبان انه وقف جمبك وقت شدتك
يخلص من احلام انه يوصل لعمه ان هى السبب فى حبسك
ممكن لو اتحبستى يدور على ملك ولو خرجتى يبقى تقبلى طلبه لانه اثبتلك انه وقف جمبك وقت شدتك
اسير مزهوله مش فاهمه هو ليه عمل كده:طب هو انا عملتله ايه؟؟؟
مراد:انتى جيتى فى طريقه قال يستفاد والدليل انه طلب ايديكى الصبح
اسير:وانت عرفت ازاى
مراد:يا دكتوره سيف تحت المراقبه 24 سعاه ولما انتى ظهرتى فى الصوره انتى كمان اتراقبتى وكل حاجه بتحصل بتوصلنا
اه وعلى فكره هو اللى خلى واحد من رجالته يضرب علي والدك نار واتنرفز منك اما بوظتى خطته
اسيير:طب لما انت عارف كل ده مقبضطوش عليه ليه؟؟؟؟
مراد:معندناش دليل ولازم نمسكه متلبس فى قضيه المخدرات
اسير:ماشى هساعدكم قولى ايه اللى مطلوب منى
ادم تكلم بعد صمت دام طويلا
:انتى اتجننتى انتى عارفه انتى هتعملى ايه؟؟؟؟؟؟؟
مراد:صمت دهرا ونطق كفرا..........ما تهمد يا ابنى
اسير:ايوه عارفه بعمل ايه بعمل اللى اقدر عليه علشان نقبض عليه
ادم:هم ممكن يقبضوا عليه من غيرك
مراد:بس وجودها هيسرع الحكايه
اسير:موافقه
المطلوب منى
مراد :بكره وكيل النيابه هيدينا اذن تسجيل.
وانتى هتوافقى مبدايا على طلبه علشان انتم لسه هتتعرفوا وتطلبى ان مفيش حاجه تبقى رسمى علشان انتى لسه متعرفيهوش
وشويه شويه تعملى بتحبيه واحنا هنعرف نوصلك
خدى كمان شريحه تليفون خليها معاكى لما تحتاجى تكلمينا هتكلمينا منها واحنا هنكلمك عليها ولو عاوزين نشوفه هنقولك قبلها
تمام
اسير:تمام
ادم:برضه هتعملى اللى فى دماغك
اسير:ايوه
مراد:ادم انت كمان هتبقى معانا
ادم:ازاى؟؟؟؟؟؟
مراد:فى قرار هيتمضى بكره الصبح انك تتنقل مباحث المخدرات وهتشترك فى القضيه معانا
ادم:تمام
********************************
تانى يوم الصبح
جميله:يلا بسرعه يا مصطفى
مصطفى :مش عارق انتى جيتى معانا ليه؟؟؟
جميله:مكنش ينفع اسيب بنتى لوحدها
طارق:مهى كده هتزعل
جميله:لالا اهم حاجه اشوفها
طارق ومصطفى:انتى حره
*****************************
عند احمد:
فريده:المحامى راح لهم على النيابه
احمد:انا عاوز اخرج مينفعش اتفرج على بنتى كده
فريده:انت لسه تعبان وبعدين مهو سيف معاهم وهيطمنا
احمد:ربنا يستر
فريده:متخافش المحامى قال انه هيخرجها
*******************************
عند اسير اول ما دخلت النيابه جميله جريت عليها
جميله:بنتى حبيبتى عامله ايه؟؟؟
اسير:برضه قالولك تعبتى نفسك ليه؟؟
جميله :مقالوليش حاجه
اسير:امال ايه؟؟
جميله:حكتلها اللى حصل
اسير:ان شاء الله هخرج متقلقيش
جميله:يا رب
طارق:انتى عامله ايه؟؟؟؟؟
اسير:الحمد الله
مصطفى:اسير انتى كويسه؟؟
اسير:طبعا يا خالو متقلقش عليا وراك رجاله
وبعدين دخلت اسير لوكيل النيابه عاملها عادى جدا وبعدين اخلى سبيلها لعدم كفايه الادله
اسير خرجت لهم
جميله:ها عملتوا ايه؟؟؟
اسير:هروح معاكم
جميله:حضنتها جامد وقالت الحمد لله الحمد لله
مصطفى:الحمد الله يا سيله
طارق:مش يلا بقى ولا انتى حبيتى القاعده هنا
اسير:يلا طبعا والتفتت لقت سيف
قالت سيف ازيك تعبت نفسك ليه بس
سيف:تعب ايه اهم حاجه انك خرجتلنا بالسلامه
اسير:متشكره اوى
يلا بقى ولا ناويين تباتوا
وهى ماشيه لمحت ادم من بعيد
كان بيبصلها وكان نفسه يقولها متسبينيش وتمشى وهى كانت نفسها متمشيش وتفضل قاعده معاه
*********************************
عند احمد
احمد بيكلم المحامى فى التليفون:بجد يعنى هى خرجت
المحامى :ايوه لسه خارجه دلوقتى
احمد :متشكر اوى مش عارف اقولك ايه
المحامى:عيب كده دى اسير زى بنتى
احمد:طبعا هى اصلا بنتك
المهم قفل مع المحامى وكلم اسير
اسير اول ما موبايلها رن ولقته احمد ابتسمت بس افتكرت سيق واللى عمله واتخضت عليه
اسير:الو
احمد بلهفه:حبيبه بابا عامله ايه؟؟
اسير :الحمد لله يا بابا
احمد:الحمد لله انك خرجتى مش هتيجى اشوفك
اسير:على باليل يا بابا انا منمتش طول الليل وهروح انام شويه
احمد:ماشى يا قلبى خدى بالك من نفسك
اسير:حاضر يا بابا ربنا يخليك ليه
احمد:لا اله الا الله
اسير:محمد رسول الله
وقفلوا
دخلت عليه فريده حكالها كل اللى حصل فرحت اوى وكانت عاوزه تتصل بيها تباركلها وتتطمن عليها بس هو قالها سبيها ترتاح
**************************
اسير اول ما روحت
جميله:ثوانى والاكل يكون جاهز
اسير:اكل ايه بس انا جعانه نوم هموت وانام
مصطفى:بعد الشر عليكى كلى وبعدين نامى
اسير:لا مش جعانه هنام واكل لما اصحى
مرضيوش يغصبوا عليها علشان هى محتاجه ترتاح
اول ما دخلت الاوضه طلعت الشريحه اللى ادهالها مراد وطلبت ادم
***********
اسير:اذيك يا ادم
ادم:الحمد لله انتى اخبارك ايه؟؟؟
اسير :الحمد لله كويسه لسه واصله البيت دلوقتى
ادم:طب نامى بقى علشان انتى منمتيش امبارح
اسير:وانت كمان نام انت برده منمتش
ادم:حاضر بس هو انتى هتكلمى سيف امتى
اسير:اما اصحى علشان ميحسش بحاجه
ادم:بس خدى بالك من نفسك
اسير:على فكره هو اتصل بماما قالها
ادم:قالها ايه؟؟
اسير:ان انا فى القسم محدش كان يعرف ولا حد كلمها وقالها هم روحوا لقوها عارفه"وحكتله اللى حصل"
ادم:ماشى بس انتى اهم حاجه تخدى بالك من نفسك
اسير:وانت كمان ..........
لا اله الا الله
ادم:محمد رسول الله
اسير قفلت مع ادم ونامت وحلمت
انها ماشيه على البحر ومعاها بنت صغيره شبها وبيلعبوا مع بعض
وجه من وراهم ادم وظهر ولعب معاهم كمان
بعد كده صحيت وهى مبسوطه اوى
قررت تكلم سيف
اسير:الو
سيف:اهلا بالقمر
اسير:عامل ايه؟؟
سيف:بقيت كويس اما سمعت صوتك
اسير:ها يا سيف ايه فى ايه اهدى شويه ..................
المهم انا كنت بكلمك علشان اشكرك
سيف:تشكرينى على ايه؟؟؟
اسير:هم حكولى على اللى انت عملته وانا فى القسم
سيف:انا كده هزعل هو احنا فى بينا كده دا انا كنت مضايق جدا علشانك وقلت يا ريت ياخدونى مكانك
اسير بلهفه مصطنعه:بعد الشر عليك
سيف:خايفه عليا
اسير بكسوف مصطنع:ايوه يعنى مش ابن عمى
سيف:ابن عمك وبس نفسى ابقى اكتر من كده
اسير:سيبنى بس اتعود عليك شويه
سيف: ماشى بس يا ريت اشوفك النهارده
اسير:نتقابل عند بابا علشان انا هروحله النهارده اطمن عليه
سيف:طب نطمن على بابا ونتعشى سوه
اسير:افكر يلا كفايه كده علشان انالسه صاحيه من النوم هقوم اشوفهم ونشوف الناس اللى فرحهم بعد بكره دول ايه نظامهم
سيف:هو فعلا الفرح بعد بكره
اسير بضحك:مش عارفه والله هشوف واقولك
سيف:الله ضحكتك حلوه اوى
اسير بخجل مصطنع:ايه يا سيف بقى خلاص بص قبل ما انزل هكلمك تمام
سيف:تمام يلا باى
اسير:بااااااى
بعد ما قفلت قالت فى داهيه تاخدك
اسير خرجت من الاوضه لقت جميله عامللها وليمه
اسير:ايه ده كله فى ايه لمين الاكل ده كله؟؟
طارق :من ساعت اما دخلتى تنامى وهى اعلنت حاله الطوارئ فى المطبخ بتعمل كل الاكل اللى انتى بتحبيه
اسير:تعبتى نفسك ليه بس
جميله :هو انا عاندى كام اسير بس
اسير راحت حضنتها :ربنا يخليكى ليا
طارق:ايه الحب ده الحب ولع فى الدره يلا يا ماما انتى وهى احنا جعانين عاوزين ناكل
اسير:طول عمرك مفجوع
ثم التفتت لسها يابنتى ده ممكن ياكلك بعد الجواز
طارق:ملكيش دعوه انا وهى حرين مع بعض
اسير:يعنى اطلع انا منها
طارق:اه اطلعى
على الاكل
جميله:ها ناوين الفرح امتى؟؟
طارق:المفروض كان اخر الاسبوع بس كده مش هنلحقخلاص نخليها الاسبوع الجاى
سها:المفروض اكلم بابا وماما علشان ييجو وتطلبنى منهم رسمى
طارق:نعـــــــــــــــــــــــــــــــــــم يا اختى هو مش انا طلبتك مره ولا هى حكايه يعنى
سها:بس المفروض نبلغهم ولا ايه
جميله:طبعا يا قلبى بس هاتى الرقم انتى وملكيش دعوه
اسير:وانا وانتى ننزل نشوف الفستان
طارق:وانا هشوف الفندق
جميله :وانا هشوف الدعاوى والناس
ومصطفى:انتم ناسينى فى القعده دى بقى
جميله:يا حبيبى انت اهم واحد فريده هتنزل انا هى واسير وسها نشوف الفستان وانت شقتكم جاهزه على كل حاجه يعنى
مصطفى:طب فريده مش هتعوز تغير حاجه فيها
جميله:هى اللى مختاره الحاجه من سنين هتيجى تغيرها يعنى وبعدين تروح تشوفها لو عاوزه تغير حاجه
اسير:انا رايه لبابا دلوقتى هكلمها واقولها
وانتى يا ست سها عاوزين نشاط الاسبوع ده مفهوش نوم ناقصكم حاجات كتير الشقه موجوده بس عاوزه تتفرش تنزلوا تنقوا العفش اللى انتوا عاوزينوا وهننزل انا وانتى نشترى الحاجه اللى انتى عاوزاها
سها:ماشى
جميله:كده كل حاجه اتفقنا عليها
******************************
بعد شويه راحت اسير لاحمد
اسير:بابا حبيبى
احمد:حبيبتى عامله ايه
اسير:الحمد الله انت اخبارك ايه وحشتنى اوى
احمد:بقيت كويس اما شوفتك
اسير:الحمد لله يا رب دايما
احمد:انتى خرجتى ازاى
اسير:اهو بقى متخلناش نفتح فى الموضوع ده
احمد:عندك حق يا حبيبتى
اسير:امال فين عمتو فريده
احمد:راحت الكافتريا وجايه وكمان ملك فى الطريق هتفرح اوى بيكى دى كانت بتعيط جامد اوى علشانك
اسير:ربنا يخليها ليه.........................
بص يا بابا عاوزه اتكلم معاك شويه
احمد:خير يا حبيبتى
