بسم الله الرحمن الرحيم
#الحلقه_الثانية_عشر
اسير:بابا كنت عاوزه اتكلم مع حضرتك شويه
احمد:خير يا حبيبتى
اسير:خالو مصطفى وعمتو مش المفروض نجوزهم بقى ولا ايه دول استنوا كتير اوى
احمد:اخرج من هنا ونتكلم
اسير:يابابا انت كلها يومين وتخرج واحنا اتفقنا خلاص ان خالو وعمتو يتجوزوا مع طارق وحدنا معاد الفرح الاسبوع الجاى
كل حاجه جاهزه الشقه بتاعتهم جاهزه من 25 سنه ولو هيجددوا حاجه مش هتاخد اسبوع وهتخلص واحنا معانا 10 ايام
الفندق هيتحجز والدعاوى هتخلص والفستان هيتجاب فى يوم ولو فى حاجه ناقصه هننزل نجبها
عاشان خاطرى وافق نفسنا نفرح
احمد:ماشى يا حبيبتى انا موافق كلمى عمتك قوللها بقى واتفقوا مع بعض
اسير:حضنته وباسته وقالتله ربنا يخليك يا بابا
فى اللحظه دى دخلت احلام
احلام:ازيك يا احمد ازيك يا اسير
احمد بطريقه ناشفه:كويس
اسير مستغربه طريقته:ازيك يا طنط
احلام:الحمد لله
احمد لاسير:معلش يا حبيبتى روحى لعمتك الكافتريا قوللها على اللى اتفقنا عليه
اسير :حاضر والتفتت لاحلام
طنط عمتو وخالو هيتجوزوا واحنا حددنا الفرح الخميس الجاى
احلام:مبروك يا اسير وعقبالك لو احتاجتو حاجه قولولى
اسير وهى مستغربه منها:اكيد يا طنط
بعد ما مشيت اسير
احلام :انا عارفه انك زعلان منى
احمد:يعنى انتى عارفه انتى عملتى ايه؟؟
احلام:عمرك ما شوفت يوم عدل معايا وطول عمرى مورياك الويل
احمد:كل ده كوم واللى انتى عملتيه فى بنتى كوم
احلام:والله ما عملت حاجه انا صحيح كنت ناويه بس رجعت فى كلامى
احمد:لما انتى معملتيش حاجه مين عمل
احلام:وحياه بنتى عندى مانا اللى عملت كده انا صحيح كلمت حسام على اساس يشاغلها ويوقعها فى حبه بس اما اتقبض عليها قولت مش هعملها حاجه
انا الشيطان كان عامينى والله انا لما اتحبست انا ما نمت اليوم ده انا طول الليل صاحيه اول مره ادعى لحد دعتلها والله
حسام قالى اكيد عملت مصيبه انا قولتله دى تربيه جميله ومصطفى مش ممكن تعمل الغلط
والله انا راجعت نفسى على اللى عملته طول عمرى قولت اكيد لو عملت حاجه فيها هتتردلى فى بنتى انا اموت لو جرى لملك حاجه
ثم اكملت ببكاء والله يا احمد انا هتغير علشانك وعلشان ملك وعلشان نفسى تسامحنى بقى
لو عاوز ترجع لجميله ارجعلها ولو عاوز تطلقنى طلقنى بس متحرمنيش من بنتى
ثم اكملت بانهيار والله مش هتعبك وهفضل اخدمك وافضل تحت رجليك بس انت تسامحنى
اسير فى الوقت ده كانت راجعه لانها نسيت حاجه فى الاوضه وسمعت الحوار كله
احمد:تفتكرى هقدر اسامحك بسهوله
اسير دخلت فى الوقت ده:اه يا بابا لازم تسامحها زى منا سامحت هى ندمت وعرفت غلطها زيك بالظبط كفايه بقى كره وخلينا نحب بعض شويه خلى الفرح يدخل العيله دى بقى انا عن نفسى مسامحاها على اللى كانت ناويه تعمله وانت كمان سامح
والتفتت لاحلام:وانتى يا طنط البيت مش بيته هو علشان تسيبيه ده بيتك انتى انتى اللى استحملتى معاه سنين وربتيله بنته وكبرتيها
متخافيش جميله عمرها ما هترجعله جميله زكرى مش اكتر ولازم نكمل حياتنا محدش حياته بتقف على حد كلنا لازم نكمل حياتنا ونبدا من الاول
احمد:خلاص يا احلام مش زعلان منك بس تتغيرى بجد
احلام:والله هتغير
اسير :اسيبكو انا واروح لعمتو وانتى يا طنط ليكى نصيب من الشغل كل واحد هيعمل حاجه
احلام:من عنيا
***********************************
خرجت اسير وراحت لفريده
اسير:ازيك يا عمتو
فريده:اسير حبيبتى
وحضنتها وباستها
اسير:يلا يا عمتو عاوزاكى فى مشوار
فريده:خير يا حبيبتى
اسير:خير يا عمتو يلا بقى علشان ده مشوار مهم
اسير اخدت فريده وهى خارجه قابلت ملك
ملك:اسير حبيبتى عامله ايه
اسير:ملوكه انتى اللى عامله ايه وحشانى
ملك:انتى اكتر يا قلبى
اسير:تعالى معانا يلا
ملك:هنروح فين؟؟؟؟
اسير:ايه يا جماعه اسالتكم كتير ليه مش هخطفكم يعنى انا بس وخداكم هشترى شويه حجات
ملك:يلا انا كمان كنت عوزاكى
فريده:طب انا مليش لازمه بقى اروح اقعد مع احمد
اسير:لالالالالالالالالا انتى لازم تيجى
فريده:خدى اختك معاكى انا مش هاجى
اسير:انتى غاويه تتعبينى ليه يلا بقى
***************************
وهى خارجه شافت سيف
سيف:ازيكوا يا جماعه
الكل:الحمد الله
سيف:رايحين فين ؟؟
اسير:هنشترى شويه حجات
سيف:كلكم
اسير:اه كلنا
سيف:ربنا معاكم معلش يا اسير عاوزك ثوانى
اسير:حاضر بعد ازنكم يا جماعه
مشيوا شويه بعيد عنهم
سيف بصوت وطى:ايه يا حبيبى انتى مش كنتى هتخرجى معايا
اسير بنفس الصوت:معلش اصل احناا حددنا معاد الفرح وكنا هنروح دلوقتى نجيب الفستان
سيف:طب هتروحوا فين
اسير:اعرف مكان كويس هنروحه بس انا لسه مقولتش لعمتو
سيف:طيب بس انا كنت عاوز اتكلم معاكى
اسير:معلش اول ما اروح هكلمك متزعلش بقى
سيف:اصلا انا مقدرش ازعل منك
اسير :همشى انا بقى مش عاوز منى حاجه
سيف:ربنا يخليكى ليا بس خدى بالك من نفسك
اسير:ماشى وانت كمان يلا باى
*****************
فى العربيه:
اسير:يا عمتو احنا خلاص قررنا مفيش مناقشه
فريده:ايه يعنى فى سنى ده اعمل فرح لا طبعا
اسير:تعملى فرح وتلبسى فستان كمان انتى اققل منها وبعدين دا حب 25 سنه لازم تفرحوا بقى
ملك:اسير معاها حق يا عمتو لازم نفرح
اسير:انا كلمت سها وهتقابلنا هناك
ملك:طب انا جايه ليه
اسير:يا بت متتجننينيش دا احنا هنجيب فساتين و نتفق هنعمل ايه لازم تبقى معانا وبعدين هتحبى سهى اوى.
ملك:تمام
اسير :عمتو هو انتى فاكره الشقه مكانها فين
فريده:اه طبعا دى حاجه اقدر انساها
اسير:طب تمام عاوزين نبقى نروحها علشان تشوفيها ولو هتعوزى نغير فيها حاجه
فريده:اوعو انا عمرى ما هغير فيها حاجه
ملك:ليه يا عمتو نروح نشوفها
فريده:كل حاجه فى الشقه دى زوقى انا ومصطفى لا يمكن اغيرها ابدا
ملك واسير:يا سلام على الرومانسيه
فريده:مصطفى دا كل حاجه فى حياتى
اسير:يا رب اوعدنا
لاحظت شرود ملك بعد الجمله دى
اسير:ملك مالك فى ايه
ملك:لا مفيش حاجه
اسير:هعديهالك بس دلوقتى وهنتكلم بعدين
يلا وصلنا
************************************
عند مراد وادم
ادم:افهم بقى لما انتم مراقبينه كده وعارفين كل تحركاته عاوين مساعدتها فى ايه؟؟
مراد:عربيه سيف محدش عاروف يدخلها ابدا
ادم:وانت بقى عاوزها تدخلها
مراد:بالظبط كده هتحطلنا ميكروفون صغير
ادم:ماشى هكلمها باليل واقولها
مراد:بس تعالى هنا قولى مالك ومالها يعنى
ادم:مالى يعنى
مراد:ابدا حاسس انك مهتم بيها زياده يعنى
ادم:لا انت بس بيتهيالك حجات
مراد:بجد مكنتش اعرف
ادم:لا اعرف ويلا سلام انا مروح
مراد:سلام
بعد اما ادم مشى والله شكلك طبيت
*****************************
عند طنط احلام بعد التعديل بقى
احلام:يعنى خلاص سامحتنى يا احمد
احمد:خلاص يا احلام بس ناخد بالنا بعد كده من تصرفاتنا
احلام:خلاص يا احمد مفيش حاجه هتحصل منى بعد كده تضايقك
احمد:يا رب يا احلام
***************************
اسير:يلا سهى هناك اهى
سهى:اتاخرتى كده ليه؟؟
اسير:معلش بقى
بصى دى عمتو فريده ودى ملك اختى ودى بقى سهى اعز صاحباتى وخطيبه طارق
المهم بعد السلامات دخلو المحل
اسير:واضح ان فى حجات حلوه اوى هنا
سهى :فعلا عاجبنى كذا حاجه
ملك:لا بجد الفساتين هنا تحفه
قعدوا ينقوا الفساتين واختاروا لسهى فستان الفرح ولفريده فستان اوف واين عادى ولك واسير جالوا فساتين حمرا
وراحوا يقعدوا فى كافيه
اسير:ها يا ملك مالك بقى
ملك:مش عارفه افكر بصوا انا بحب واحد وهو كمان طلع بيحبنى وعاوز يتقدم لبابا
اسير:طب ده كويس مين بقى
ملك:المعيد بتاعى وقالى النهارده
فلاش باك
دكتور مراد:انسه ملك
ملك:خير يا دكتور
مراد:كنت عاوز اتكلم معاكى شويه
ملك:خير فى حاجه
مراد:طب ممكن نروح اى مكان
ملك:اسفه مش هينفع حضرتك قولى عاوز ايه
مراد:انسه ملك انا معجب بيكى وكنت عاوز اتقدملك لو سمحتى عاوز رقم والدك
ملك:متنحه مش عارفه ترد وبعدين فاقت وادته رقم بابا
باااااك
ملك:كده انا عملت حاجه غلط
فريده:لا يا حبيبتى بالعكس انتى مغلطيش خالص
اسير:فعلا انتى اتصرفتى صح
سهى:يعنى هنفرح بيكى قريب
ملك:اتكسفت ووشها احمر
اسير:اسكتى كسفتى البت
سهى :ليه هو انا لسه قولت حاجه
وقعدوا يضحكوا ويهزروا لغايه ما روحوا
واسير هتكلم ادم
