بسم الله الرحمن الرحيم
#انا_و_مفعوصتي ( 10 ) :.
طبعا بعد لما عملنا الفصل ده ف الراجل اللي ف الاستديو كان هاين عليه يجري ورانا بالمقشه ف الشارع بس الصراحه طلع عنده قوه تحمل فظيــــــعه
روحنا استوديو تاني و اتصورت و روحنا البيت بقي بعد لما اشترينا مصاصه علشان ناكلها ف السهره قدام اسبونج بوب و كمان لاننا عرفنا ان فيلم home alone جاي النهارده
انا : يـــااا يا مفعوصتي بحب الفيلم ده او بيضحكني جدا
مفعوصه : و انا يا مامي .. بس الولد ده شقي جدا
انا : اه فعلا عندك حق .. ربنا يكون ف عون مامته بصراحه
مفعوصه : اه فعلا .. مش عارفه ازاي فيه حد يبقي شقي كده
انا : اه و الله ده انا بحمد ربنا عليكي و ع انك هاديه كده
مفعوصه : يلا اهو اللي يشوف بلاوي الناس تهون عليه بلوته
انا : صح صح .. يلا بقي اسكتي علشان الفيلم ابتدي
و ابتدي الفيلم و الضحك اشتغل و الفشار و المصاصه و الهبل ده بقي و قعدوا يضحكوا بصوت عالي
ابو مفعوصه : خير اللهم اجعله خير .. بتضحكوا ع ايه يا نــاس انتوا
مفعوصه : الحق يا بابي الواد كهرب الحرامي
ابو مفعوصه بصوت واطي : عقبال مامتك يا اختي يمكن اسلاك دماغها تتعدل و تكبر
انا : بتقول حاجه يا حبيبي
ابو مفعوصه : لا كنت بضحك علي الولد اللي كهرب الحرامي
انا : طب تعالي اقعد معانا
مفعوصه : اه يا بابي تعالي تعالي تعالي
ابو مفعوصه : ماشي ماشي بس بشرط
مفعوصه : اشجينــــا
انا : اطربنـــــا
ابو مفعوصه : بيئه .. بعد الفيلم ده نقعد نلعب لاي ستيشن ع فلوس
مفعوصه : بس انا يا بابي مش معايا فلوس .. مامي بتاخدها مني كل شويه كل شويه
انا : انا بعمل كده يا مفعوصه ؟
مفعوصه : تنكــــــــــري
انا : احم احم .. تعالي يلا يا حبيبي
ابو مفعوصه راح قعد و اخد مفعوصه ع رجله
و بعدين روحت غمزت لمفعوصه غمزه و وراها نظره هي فهمتها بقي
و قمت انا اتسحب ع طراطيف صوابعي دخلت الاوضه لبست جوانتي و روحت ع المطبخ جبت تلج و حطيته ف كوبايه
و قعدت و اديت الكوبايه لمفعوصه اللي راحت
مسكتها و شدت التي شيرت بتاع ابو مفعوصه و فضت كوبايه التلج ف قفاه
و بدلا من الاستمتاع بالفيلم اتفرجنا ولاول مره ع رقصه الهنود الحمر
لقينا اذ فجاه ابو مفعوصه عمال يتنطت
ابو مفعوصه : يا مجانيـــــــــــــــن .. انتوا ايــــــــــــــــه يا ولاد المفتريــــــــــــــــه روحوا الهي تتجمدوا م البرد .. يالهووووووي
انا و مفعوصه كنا فطسانيـــــــــــــــن م الضحك ع شكله و هو عمال يزعق و يتعصب و جسمه بقي احمر م العصبيه
و قعد يبعد التي شيرت عن جسمه لغايه لما التلج وقع
ابو مفعوصه : هتتكدروا يعني هتتكدروا .. ورحمه سيدي المشمشاني لاوريكوا سواد السواد
انا : استني و اتاني و اخشع و اياك يا طروبش تطلع
مفعوصه : ايوه ايوه .. ادخل يا طروبش ادخل يا طروبش ادخل يا طروبش
ابو مفعوصه : طروبش .. ده انا هطلع عليكم القديم و الجديد ..
دخل ابو مفعوصه جاب حبل و ربطهم و قعدهم ف البانيو و فتح عليهم الدش ع المايه الساقعه
مفعوصه : ايه يا بابي ده .. ده انا حتي بنتك
ابو مفعوصه : و لما انتي بنتي تعملي فيا كده ؟
مفعوصه : الست اللي اسمها امي دي هي اللي حرضتني ايه بيه
انا : اح اح اح ايه السقعه دي هي مالها بردت كده ليه يالهوتي .. هديه يا مفعوصتي متجننهوش الجو برد
ابو مفعوصه : نيهانهاانهاانهانهانهااانها
مفعوصه و انا : حــــــــــــــــــــــــــــــــــــــــــــــــــــرام
ابو مفعوصه : عارف عارف