قصة انا ومفعوصتي الحلقة السادسه

بسم الله الرحمن الرحيم

#انا_و_مفعوصتي ( 6 ) :.

اتفقنا انا و ابو مفعوصتي ع الهدنه لان كده كتير ..

تاني يوم الصبح ابو مفعوصه لبس و نزل الشغل زي اي يوم عادي و انا روحت انام جنب مفعوصه زي اي يوم عادي .. دخلت الاوضه عند مفعوصتي و هوبا بحوش البطانيه لقيتها .. 

لقيتها .. نايمه عادي يعني بس الموضوع ده فاجئني الصراحه يوم من غير مقالب !

المهم دخلت معاها تحت البطانيه و نمــــت بقي .. اصل انا من مشجعين النوم 

و بعد وقت معرفش ئد ايه لقيت مفعوصه بتصحيني 

مفعوصه : مـــامي .. انتي يا ست مــــامي 

انا : ممممم 

مفعوصه : قومي بقي انا جعانه بقي عاااااااااااااااااااااا

انا : هش هش بـــس يا امي 

مفعوصه : لا مش بس .. عااااااا عاااااااااااااا عااا عاااااا قومي بقي 

انا : اووووووووف قومت اهو يا ست مفعوصه .. عايزه ايه ؟

مفعوصه : عايزه اكول بقي .. انجزي ف السريع 

انا : انتي يا بت ليه مش مقتنعه اني امك .. عيب كده 

مفعوصه : يا شيخه .. انتي فاجئتيني 

انا : انا عارفه مش هخلص معاكي .. تعالي نشوف هاكلك ايه ..

شلت مفعوصه و دخلنا المطبخ و قعدتها ع الرخامه اللي ف المطبخ ..

انا : ها .. تاكلي ايه ؟

مفعوصه : مش عارفه يا مامي .. اي حاجه يعني

انا : زي ايه يعني .؟

مفعوصه : تيجي نعمل مكرونه بشاميل و فراخ مشويه ..

انا : يا مفجوعــــــــــــه فيه حد ياكل الاكل ده الساعه 10 الصبح .. اشكــــــو اليك 

مفعوصه : خلاص خلاص .. نعمل محشي ورق عنب 

انا : بصي يا مفعوصتي انتي عارفه اني فاشله ف الطبيخ .. يمشي معاكي بيض اومليت كده ف السريع 

مفعوصه : يمشي يا قدري 

انا : قدرك .. يا الهي رحمتك !

مفعوصه : انجزي .. انا جعانه .. عااااا عااااا عاااا

انا : بس بس هعمل اهو 

روحت طلعت الطاسه و ولعت البوتجاز 

انا : مفعوصه .. هو بيتعمل بالزيت ولا بالسمنه ..

مفعوصه : مش عارفه بس انا من رائي السمنه علشان علبتها شكلها احلي و الوانها احلي 

انا : خلاص يلا نعمله بالسمنه و نجرب 

مفعوصه : صح يا مـــامي 

حطيت السمنه ف الطاسه و روحت جبت طبق كبير و قطعت فيه طماطم صغنونه و حطيط ملح و فلفل و قطعت جبه رومي و حطيت خل بس حبه صغيرين و كسرت البيض و قطعت فيه لانشون و قلبته كله ف بعضه و كانت السمنه سخنت و عملت اومليت تحفـــــــــــــــه ..

( نصيحه مني كـ ميرنا اوعوا حد يجرب و قد اعزر من انزر )

و اكلت انا و مفعوصه و خلصنا الاكل كله و اللي هو كان شاي و بقسماط بعد لما البيض اتحرق 

انا : هــــا يا مفعوصتي تحبي نعمل ايه ..

مفعوصه : مش عارفه يا مامي .. ممم تيجي ننام 

انا : لالالالا تيجي نلعب بالمكعبات 

مفعوصه : يوووه يا مامي اكبري بقي عيب ع سنك 

انا : ممممم طب نعمل ايه 

مفعوصه : تعالي نغير ديكور الشقه 

انا : اه صح ده بقاله شهرين اهو متغيرش .. تجديد تجديد

مفعوصه : يلا بيكا يا مامتـــي 

انا ك يلا يا مفعوصتي 

وهوبـــا و تيك تـــاك دش بووووووم هـــوب تاك دش دش دش تك تك تك هوووووب دش بوووووووم بووم تاك تيك بووووم دش 

انا : هيــــــــــــــه الشقه حلوه اوي 

مفعوصه : اه يا مامي بس حساها بقيت فاضيه بعد الحاجات اللي كسرناها 

انا : اه عندك حق .. نبقي ناخد بابي و نشتري الكماليات اللي اتكسرت 

مفعوصه : اه دي حتي كلها حاجات بسيطه .. شاشه التلفزيون و دراع المكنسه و باب التلاجه و كام حاجه من النيش و الازاز بتاع السفره و شويه هدوم اتقطعت كماليات كماليـــات 

انا : هاهاهاهاها الله يكون ف عونه بقي .. هو اللي بيدفع 

مفعوصه : اه و الله يا مامي مش عارفه مستحملنا ليه 

انا : قدره يا بنتي 

مفعوصه : طب يلا نستخبي بقي قبل لما يجي و يتصدم زي كل مره 

انا : اه يلا جهزي الحاجه اللي هناخدها تحت السفره 

مفعوصه : جاهزه يا كبيـــره 

و هوبـــــــــــــــا دخلنا تحت السفره مستنين ساعه الصفر 

لا تنسونا من صالح دعائكم