بسم الله الرحمن الرحيم
#انا_و_مفعوصتي ( 11 ) :
طبعا باب التقديم اتفتح ف المدارس
و روحنا نقدم لمفعوصه
دخلنا مدرسه كده خير اللهم اجعله خير لقينا ف وشنا بسين . دخلنا يمين لقينا ملعب تنس و كره و كدهوت يعني
دخلنا يمين لقينا مكان واسع مليان الات موسيقيه
ابو مفعوصه : ايه المكان ده .. هي دي المدرسه ؟
انا : اه .. ايه رائيك ؟
ابو مفعوصه رائي ف ايه يا اختي .. هي هتتعلم و لا هتلعب
مفعوصه : الله يا بابي مش انمي مواهباتي
انا : مواهباتي ههههههههه
ابو مفعوصه : يا حبيبتي بنتك هبله و فاشله مواهبات ايه بس ؟
انا : بس بقي يا ابو مفعوصه مينفعش تقول الكلام ده قدام مفعوصه
ابو مفعوصه : ليه بس .. مش انتي فاشله و هبله و معندكيش مواهبات يا حبيبه بابي ؟
مفعوصه : هههههههه لا و كملت بعند : و هتدخلني ف المدرسه دي علشان انمي مواهباتي
انا : حبيبتي يا مفعوصه طالعه لمامتك
ابو مفعوصه : اه اه و اقلب القدره ع فمها
مفعوصه قاطعته : يتقلب الفول منها نيهاانهانهاانهانهاااا
ابو مفعوصه : طب تعالي ندخل نشوف المدرسه دي مالها ملخبطه كده ليه
انا : يلا
دخلوا و ابتدوا يمشوا و وهما ماشيين لقيوا بنوته اجنبيه ..
ابو مفعوصه : اوبــــــا بصي القمر يا حبيبتي .. ما شاء الله عليها بجد
انا : نعم .. بتقول حاجه ؟
ابو مفعوصه : اها .. بصراحه قمر
انا : لا ع فكره مش حلوه اووي كده يعني
مفعوصه : بطلي افتره يا مامي .. ده قموره و مزه اصلا
انا : بت انتي تعالي هنا .. مين علمك كلمه مزه دي
كان ساعتها ابو مفعوصه واقف ورايا و عمال يشاورل لمفعوصه .. لا لا متقوليلهاس اني انا
مفعوصه : بصي بصراحه بقي بابي اللي كان بيقول ع اليسا ف الكليب الجديد بتاعها اصلي مش هشيل الليله لوحدي
ابو مفعوصه : اصيله يا ام رحااب
انا : بس بس هتفضحونا .. يخربيت دي عيله
و فجاه بنوته تاني عدت
ابو مفعوصه : لات بقي .. لا بقــي .. المدرسه دي مفهاش محو اميه يا بت يا مفعوصه ؟
انا : لا انا اللي همحيكم انتوا الاتنين من ع وش الدنيا و القاضي هيديني شهاده تقدير
مفعوصه : ايه يا مامي هو اللي يقول الحق يبقي وحش ؟
انا : انتي تسكتي خــــالص
ابو مفعوصه : سيبك منها يا مفعوصه .. دي معقده امك معقــــــده
مفعوصه : تصدق انا نفسي اتكشفت ان عندك حق
ابو مفعوصه : اتكشفتي .. بس البت اللي عدت كانت قمر يعني
مفعوصه : اه اه هههههه اووي
انا مسكتهم هما الاتنين من قفاهم
انا : انا عايزه اقلكم حاجه ..
ابو مفعوصه : اتفضلي يا روحي
مفعوصه : انا سامعاكي يا مامي
انا : بصراحه كده
مفعوصه : ها ؟
انا : هوريكم ايـــــــــــــــــــام سودا بصراحه .. انا صبرت عليكم كتيــر بس خلاص زمن الطيبه انتهي
ابو مفعوصه : ع فكره الماسكه دي عيب و خصوصا ان فيه قمر تالت داخل علينـــا
مفعوصه : اه يا مامي بتقرب و بصالك بصه استحقار
انا : بصالي باستحقار .. هطلع عليكوا السوواد كله
و ابتديت اجري وراهم و هما يجروا و انا اجري و هما يجرووا و هوبا مسكتنا و راحت واخدانا ع البسين و رمتنا فيه
ابو مفعوصه : انتوا كـ قراء يرضيكم اللي بيحصل فينا ده .. الست مراتي دي مفتريه اووي
انا : انا اللي مفتريه يا مجنني .. منكم لله .. يــــــــارب يا تاخدني يا تاخدني
مفعوصه : بس بس هتفضحونا قدام الناس العثل دي .. تشبواشاي ؟
