قصة انا ومفعوصتي الحلقة الرابعه

بسم الله الرحمن الرحيم

#انا_و_مفعوصتي ( 4 ) :.

انا بقي لقيت ابو مفعوصتي متكوم ع الارض و اتصدمت بقي .. ده انا هتعلق لما اروح .
المهم روحت ساعدته قام مع ابو نضاره و ركبناه العربيه و انا سوقت بيه ع البيت و طول السكه عمال يضرب بايده ع رجله و يجز ع سنانه و اول لما وصلنا 

انـا : يا عم محمد ( البواب ) .. هاتلي اتنين كيلو خيار بقي 
عم محمد : حاضر يا مودام 
انا : مشكريــــن يا كبير 
عم محمد : هههههههههه العفو يا بنتي 
ابو مفعوصه : مش يلا نطلع بقي يا حبيبتي فوق ؟؟
انـا : طب ما تروح تبات ف اي حته عقبال لما تهدي كده .. اصل شكلك متعصب يا حبيبي
ابو مفعوصه : انا ؟ اطلاقـــــــــــا يا حُـبي

انا : احم .. ربنا يسترها يا مفعوصتي ( بوشوش مفعوصتي )
مفعوصتي : شكله مش هيستر يا مامي 

طلعنا الشقه فوق .. 
ابو مفعوصه دخل الاول و كنا احنا وراه 
ابو مفعوصه : اتفضلووووا اتفضـــــــــلووا 
مفعوصه : ايـــه يا بابي .. تشب شاي ؟
ابو مفعوصه : لا يا روح بابي انا هشرب مامي عصير و هاجيلك .. ماشي 
انـا : لا مفعوصه مش هتسيبني .. و روحت شلت مفعوصه علشان اتحامي فيها 
ابو مفعوصه : نزلي البت بدل لما اعلقها معاكي .. انا تعملي كده فيا .. انا مش جوزك , ده انا هطلع عليكي القديم و الجديد النهارده 
انا : يا حبيبي ما هو اللي غبي بقي .. قعدا اغمزله و ضربك , غبـــي بقي 
مفعوصه : ايوه يا بابي .. مامي معاها حق 
ابو مفعوصه : معاها حق .. هتتعلقي مع مامي بتاعتك يا مفعوصه . بس اصبروا عليا 
مفعوصه : اصلا يا بابي ولا اعرفها و هي اصلاا غلطانه .. فيه واحده تروح تطلب من واحد متعرفهووش انه يرقص معاها .. لا يا بابي اتصرف معاها مينفعش كده 
انا : اتهدي يا ام سحلول انتي .. متسخنيش فيه يا بوتجــــاز 
ابو مفعوصه : هعلقك يعني هعلقك .. انســـــــــــي اني ارجع ف كلامي 
انا : يا حبيبي اهدي بس .. طب نتفاوض 
ابو مفعوصه : نتفاوض ع ايه يا اختــي .. هتتعلقي هتتعلقي , لا مفر 
انا : يا حبيبي عيب كده 
مفعوصه : اه يا بابي عيب 
انا : قوليلوا يا مفعوصه 

و هوووووووب اخدنا رست من الخناقه لان جرس الباب رن ..
انا : روحي يا مفعوصتي افتحي .. 
مفعوصه : حاتر يا مامي .. مخلفنا يمرمطونا ف البيت ده
ابو مفعوصه : بتقولي ايه يا بت انتي 
مفعوصه : ولا حاجه يا حاج .. شوف مراتك انتا بس 
ابو مفعوصه : اه صح 

راحت فتحت الباب لقيت ميـــن .. لقيت موكوس 
موكوس شافها داخله العماره بالسواريه قال مابدهاش بقي .. لبس البدله بتاعته بقي و حط برفان و جلجل شعره و جاب بوكيه الورد الصناعي اللي مامته حطاه ع السفره و نزل ..

موكوس : مفعوصتي ازيك ؟
مفعوصه : موكوســـــي .. كويسه و انتا ؟
موكوس : بقيت كويس لما شفتك .. اتفضلي الورد 
مفعوصه : الله .. حلو اووي , شوف يا بابي و اتعلم من مفعوص 
موكوس : لا ده جيل مالهوش ف الرومانسيه يا مفعوصتي .. سيبك منهم 

ابو مفعوصه راح عند موكوس و مسكه من قفاه و رفعه من البدله 
ابو مفعوص : جاي هنا ليه ياض انتا 
موكوس : ايه يا عم انتا .. مش كنت بتتخانق مع مراتك .. كمل الخناقه و سيبني انا بقي اشوف حالي 
ابو مفعوصه : حالك يا كلب ؟ يا عدو الله.. ده انا هعلقك معاهم بس اصبروا عليـــا يا كلاب 

نزل موكوس من ايديه و راح ع الباب قفله بالمفتاح و اخد المفتاح شاله ف جيبه 
ابو موكوس : تعالولي بقي .. ده انتوا هتتظبطوا النهارده 

ابو مفعوصه شال الجاكيت اللي فيه المفتاح فوق البوفيه لانه عالي و محدش هيطوله .. و قعد يشمر كوم بتاع القميص بقي و قلع الحزام و تناه و مسكه .. 
ابو مفعوصه : يومكم اسود .. بقي انـــا .. انا ابو مفعوصه اضرب و قال لا مش جوزي و بنتي .. بنتي انا تقولي يا حاج .. و الواد الموكوس ده يجي يقول جيل خايب مالوش ف الرومانسيه 

انا : حبيبي .. اهدي , طب بص نتفاوض طااب 
ابو مفعوصه : لا ما احنا هنتفاوض ..

ابو مفعوصه راح قطع حبال الغسيل كلها و مسكها كتفهم هما الـ 3 و حط كل واحد ف اوضه 
ابو مفعوصه حطني ف اوضه ضلمه خالص 
انا : لا يا حبيبي بلاش .. انتا عارف ان عندي فوبيا م الضلمه و بخاف منها .. بلاش بقي 
ابو مفعوصه : انســـــــي .. و كمان هقفل الباب بالمفتاح 
و سابني و خرج م الاوضه 

و مسك موكوس و دخله البلكونه و قفل عليه لانه عارف ان فيه فار بيقعد بليل ف البلكونه و ان موكوس بيخاف من الفيران 
موكوس : لا يا عمو الله يكرمك ..
ابو مفعوصه : مش انتا بتقولي سبني اشوف حالي .. ده انا هخليك تشوف حالك و تشوف الفار و تشوف الخفاش .. احنـــا ف العاشر يا خفيف 
موكوس : اصلا مش عايز اعرفكم تاني بس سيبني اطلع 
ابو موكوس : انســـــــــي ..
و سابه و خرج 

و انتي بقي يا مفعوصتي هفكك بس علشان بس انتي بنتي 
انتي عارفه انا كان ممكن اعلقك ف المروحه و اشغلها و مش هيحصل حاجه انتي كلك ع بعضك متجبيش حاجه يعني و انتي شبه الخله كده 
مفعوصه : يا عم روح شوف حالك و بص ع نفسك ف مرايه الاول 
ابو مفعوصه : انا غلطان اني كنت هفكر اسامحك و شالها و علقها ف المروحه و شغل المروحه ع اقل سرعه ولانها بتخاف من الحتت العاليه كانت بتصوت 

انا : عااااااااااا يا حبيبي عيب كده .. عاااااا عفريت عفريت .. الحقنــــــــــــي 
موكوس : الحق يا برنس انا شفت الفار والخفاش و كل اللي انتا عايزه بس خرجني احيات عيالك يا شيخ .. عاااااااااا
مفعوصه : يا بابـــــــي الحقني يا بابي .. هقع .. هقع امـــــــوت عااااا يا بابي عااا مش عايزه اموت و انا ف عز شبابي .. اه ياني ياما عاااا

ابو مفعوصه نيهااانيهاانيهاانهاااااانهااا 

لا تنسونا من صالح دعائكم