بسم الله الرحمن الرحيم
#انا_و_مفعوصتي
انا ..
انا بنت عاديه جدا اتجوزت و انا عندي 20 و ف خلال سنه كان عندي احلي مفعوصه ف الدنيا و انا اللي اصلا طفله بقي عندي طفله .. !
هي اه مطلعه عنيـــا بس هي احلي حاجه ف دنيتي ..
و طبعا علشان جوزي بينزل من الساعه 7 الصبح و يرجع 6 بليل ف بكون انا مع مفعوصتي طول اليوم لوحدنــــــا .. اه نسيت اقولكم .. مفعوصه دلوقتي عندها 3 سنيـــــن
ف يوم صحيت الساعه 6 الصبح ع المنبه علشان اصحي جوزي و احضرله الفطار
المهم حضرت اللبس و هو لبس عقبال لما انا حضرت الفطار و فطر و نزل .. ده روتين كل يوم
و انا بقي متعوده بعد لما ينزل ادخل انام مع مفعوصه ف اوضتها علشان بخــاف انام لوحدي , قلتلكم اني طفله بقي
المهم دخلت الاوضه روحت ع سرير مفعوصه علشان انام جنبها و هوبا برفع الغطـــاء ..
انا : يالهوووووي مفعوصه .. فينك يا مفعوصتي ..
و ملقتش اي استجابه خالص .. ع فكره مفعوصه بتعرف تتكلم و عندها سنان و بتحبي ( يعني بتمشي ع ايدها و رجلها )
انــا بقي مسكتش قعدت ادور و افتح الدولاب مش لقياها ابص تحت السرير مش لاقياها ..
خرجت بره الاوضه ابص ف الحمام مش موجوده قلبت الشقه حته حته مش لاقياهات بردو
انا : ايه ده .. معقوله البت طفشت .. احسن يكون ابن الجيران اكل بعقلها حلاوه و اتجوزته عرفي , يالهوتي يا خرابي يا خراشي , طب اعمل ايه .. اه اه انا هكلم ابوها
انا : ايوه يا ابو مفعوصه .. مش لاقيه البت ف سريرها ولا ف البيت
ابو مفعوصه : هههههههه بتعملي فيا مقلب يا ام مفعوصه ؟
انا : يا عم مقلب مين ع الصبح .. مش لاقيه مفعوصه
ابو مفعوصه : طب بصي انا لما بتخرجي بلعب معاها استغمايه و بتستخبي ف كذا مكان هقولك عليهم و انتي معايا ع الفون و تدوري فيهم
انا : اشجينــــــي يا ابو مفعوصه .. كان ايه اللي رماني الراميه دي
ابو مفعوصه : بتقولي ايه يا بت انتي
انـــا : بقولك متتاخرش بقي النهارده ف الشغل علشان بتوحشني
ابو مفعوصه : ناس تخاف متختشيش .. دوري دلوقتي تحت مكتب الكومبيوتر اللي ف اوضه المكتب كده ..
انــا روحت ادور و ملقتهاش
انــا : مش موجوده يا ابو مفعوصه .. اعمل ايه .. تكونشي هربت مع الواد ابن الجيران اللي اسمه موكوس ده .. هو صحيح الواد قمر بس بنتي متعملش كده , دي تربيتي .. اه ولا انتا عايز تقول يعني ان تربيتي وحشه
ابو مفعوصه : بس بقي , بس بقي , بس بقي .. مش وقت الراديو ده دلوقتي , بصي دوري جوه البانيو ..
انــا : مش موجوده بردو : ده انا هطلع لام موكوس دلوقتي اجبها من قفاها هي و ابنها ..
ابو مفعوصه : يحرق موكوس ع ام موكوس ع ابو موكوس .. ركزي مع البت دلوقتي
انا : طب اعمل ايه طــااب
ابو مفعوصه : دوري كده تحت السفره ؟؟
انــا : يالهووووي بنتك دي هترجع تلاقيها متعلقه ف المروحه .. البت نايمه و واخده تحت العروسه و ازازه مايه و كوبايه و ملايه و كراسه و لب و قاعده تسمعني و تازئز لب و ترمي
ابو مفعوصه : ههههههههههههههه احسن تستاهلي
انا : طب اقفل انتا يا برنس دلوقتي
ابو مفعوصه : متتجننيش يا مجنونه .. هي بس بتحب تناغشك
انا : طيب طيب سلام
قفلت مع ابو مفعوصه و حوشت الكراسي و روحت جبت مفعوصه و شلتها
انا : ايه يا بت يا مفعوصه انتي ده .. كنتي مستخبيه ليه ؟؟
مفعوصه : كنت عايزه اعلم عليكي يا مامي .. بابا قالي انا بيعلم عليكي كل اسبوع
انا : تعلمي عليا .. ليلتك فحلوقي انتي و ابوكي و موكوس
مفعوصه : لا يا مامتي موكوس لا .. ده امــور اوي حراام
انــا : طب نتفق اتفاق ؟؟
مفعوصه : نتفق
انا : تساعديني اعلم ع ابوكي و انا هسيب موكوس فحاله
مفعوصه : استبينا يا اسطي
انا : استبينا و اسطي .. البت دي لازم تتربي من اول و جديد
.................................
