بسم الله الرحمن الرحيم
#انا_و_مفعوصتي ( 9 ) :.
و تعدي الايام و تروح و تيجي و يمين و شمـــــــــال و يجي الوقت اللي مفعوصه المفروض تدخل فيه المدرسه ..
اه بجد هتدخل المدرسه .. ( محدش م الفانز يدقق ف السن بدل م اولع ف ابو مفعوصه )
انا : ابو مفعوصه .. يا ابو مفعـــــــــــوصتي
ابو مفعوصه : مادام قلتي ابو مفعوصتي تبقي رايقه و مادام رايقه يبقي اكيد فيها فلوس .. ما انا عارفك
انا : كده بردو .. انا زحلانه
ابو مفعوصه : ههههههههه زحلانه .. يخربيت المُــحن
انا : مًــحن مين يا برنس ؟؟ بتكلمني انا
ابو مفعوصه : ها ..لالا ده انا كنت بقول كده ع الحادثه اللي ف الجرنال دي .. ما علينـــا
انا : ممممـ طيب بقولك ايه بقي
ابو مفعوصه بيكلم نفسه : انا كنت عارف ان فيها بقولك ايه
انا : بتقول حــــــــاجه ؟
ابو مفعوصه : اه بقولك قولي يا حبيبتي و اشجيني
انا : مممـ طيب عايزين نجهز اوراقنــا
ابو مفعوصه : هنهــاجر .. لا انا انسان وطني و عمري ما اسيب بلدي و هي ف محنه و امشي .. بس هنسافر فين ؟؟
انا : بس بس بس نهاجر ايه .. بقولك نجهز اوراقنا ..
ابو مفعوصه قاطعها : ايه هتبيعيني اللي ورايا و اللي قدامي زي ما امي قالت .. اه يا امي تعالي شوفي ابنك
انا : بس بقي .. بس بقـــي .. بس بقـــــــــــــــــــــــــي
ابو مفعوصه : خلاص ارغي و انا هسكت
انا : هنجهز الورق بتاعنا و صور البت مفعوصه و الحاجات داهيت و نروح نقدم للبت مفعوصه ف المدرسه اللي ع اول الشارع دي
ابو مفعوصه : لقد دقت الساعه اذا ..
انا : اها دقت .. يلا نص ساعه كده و هاخد مفعوصه انزل اصورها ف الاستوديو اللي تحتينا ده اصورها و اجي
ابو مفعوصه : روحي روحــــــي
روحت لبست انا و مفعوصه
و نزلنا الاستوديو
انا : بعد اذنك عايزه اصور مفعوصه صور المدرسه
الراجل : (( مفعوصه .. ههههههههه ربنا يشفي .. )) , طبعا يا فندم اتفضلي فوق جهزيها و انا خمس دقايق و اجــي
انا : اووك
انا : سمعتي يا مفعوصه الراجل كان بيتريق عليكي ازاي و ع اسمك
مفعوصه : لازم نتصرف
انا : ايــــون .. بصي طلعي عينـــه و اعملي حركات هبله .. اوك
مفعوصه : استبينــــــــا يا مامي
شويه وطلع الراجل و قعد مفعوصه ع كرسي
الراجل : يلا اضحكي يا حبيبتي
مفعوصه : حاتر يا عمو
ابتسمت مفعوصه و اول لما داس ع زرار الكاميرا راحت محوله و طلعت لسانها
فالصوره باظت
الراجل : ايــــــــــه ده يا بنتي .. حد يعمل كده ما انتي كنتي مبتسمه
انا : انت بتزعق ف بنتــــي
الراجل : مش شيفاها
مفعوصه : اه يا ماما انا غلطانه .. انا اسفه يا عمو
الراجل : خلاص يا قمر محصلش حاجه .. اقعدي يلا حلو و ابتسمي
قعدت مفعوصه و عملت نفس الحركه
الراجل : لا بقي .. انتي بتستهبلي بقي
مفعوصه : اه .. مزاجي كده بقي
الراجل : ايه يا بت انتي ده ماتيجي تضربيني احسن
مفعوصه : لالا مالييش مزاج انا
انا : استــــــــــــــوب .. يلا يا مفعوصه نروح استوديو تاني .. و انتا بلاش تتريق ع الاسم تاني .. ده كان بس مجرد لفت نظر بلاش تخلينا نحطك ف دماغنا
مفعوصه : يلا يا مامي سيبك منه
و نكمل بقي المره اللي جايه نشوف موضوع المدرسه ده