بسم الله الرحمن الرحيم
الحلقه (14)
صحيت ام مفعوصه علشان تصحي ابو مفعوصه لشغله و مفعوصه لمدرستها
ام مفعوصه صحيت ع صوت المنبـــه
انا : ابو مفعوصه .. انتـــــا يا عم قوم
ابو مفعوصه : --------
انا : عـــــــااا يلا بقي اصحــــــــي
ابو مفعوصه : مممم لالا مش مشويه اسلقيها احسن ..
انا : حتي و انتـــا نايم بتفكر ف الاكــــــل .. قــــــــــــــــــوم
ابو مفعوصه : لالا متحطش الكاتشب خليك ف المايونيز احــلي
انا : لا الموضوع ده ميتسكتش عليه ابدا
راحت ام مفعوصه جنب ودن ابو مفعوصــه و صوتت
انا : الحــــــــــــــــق اترفدت .. اترفدت هناكل منين و نربي مفعوصه منين ( و بصوت اعلي ) اصحــــــــــــــــــــــي
ابو مفعوصه قام مفزوع من ع السرير
ابو مفعوصه : ايه ايه حصل ايه .. مفعوصه كويسه
انا : ايه ده انتا متعبتنيش ف صحيانك خالص النهارده .. قوم البــس علشان الشغل
ابو مفعوصه : اومال ايه اترفدت و مصيبه .. ( و راح حدف عليها المخدات اللي جنبه كلها )
انا : اذن لقد بدات الحرب ..
ابو مفعوصه : ده انا هعملك عجينه و احطك ف الفرن بس اصبري عليا بس لما ارجع م الشغل
انا : هههههههههه يا عم رووح .. البس عقبال لما اصحي مفعوصه و البسها و اعمل الفطار , بس لو عايز تعملوا لنفسك مش همنعك يعني و كده
ابو مفعوصه : انشـــي يا هبله من هنــا بدل لما اعلقك ف النجفه
انا و انا بجري : ههههههه متقدرش
ام مفعوصه خرجت م الاوضه و هي بتضحك .. دخلت ع مفعوصه اوضتها و قعدت جنبها ع السرير
انا : يلا يا مفعوصتي علشان متتاخريش ع ضرب العيال يا روحي
مفعوصه : ---------
انا : يلا بقي يا مفعوصه مش انتي و ابوكي عليــا
مفعوصه : لالا بصي كتري البشاميــل و حطي ع الوش بيضايه كده علشان وش المكرونه يبقي مقرمش
انا : يا حول الله يا ربي الاقيها منها ولا من ابوها , يلا يا حبيبتي اصحي
مفعوصه : و زود مخلل و طحينــه و السلطات .. و اوعي تنسي البابا غنوج
انا : اموت و اعرف انتوا الاتنين بتكلموا مين و انتوا نايمين كده , ( بصوت عالي ) مفعـــــــــــــــــــــــ
مفعوصه : موكوس .. فين ها فيــن
انا : هههههههه قومي البسي يا اختي .. معرفش سي زفت فين .. قومي يا بت .. ايه السهوكه دي .. الله
مفعوصه : ايه يا ماما بقي فيه حد يصحي حد كده .. عايزه تموتيني
انا : بطلي رغي و قومي البسي انا حضرتلك اللبس عقبال لما اعمل الفطار .. يـــــــــــــلا ( بصوت روجينــا )
مفعوصه اتنفضت : قايمه قايمه .. ده ايه الغلب ده يا ربي
قامت مفعوصه تلبس و ابو مفعوصه كمان بيلبس
و ام مفعوصه حضرت الفطار
و الفطار كان عباره عن بيض اومليت مش مستوي اصلا .. و عيش مش متسخن .. و لبن ساقع
مفعوصه : ربي لا اسالك رد القضاء لكن اسالك اللطف فيه
ابو مفعوصه : انا مش عايز اروح المستشفي النهارده .. مش كل اسبوع حرام عليكي
مفعوصه : اه يا مامي و انا اتاخرت اووي عن اذنك
ابو مفعوصه : و انا كمان المدير طلب اني اروح ساعه بدري .. سلا يا روحي
و جريوا لحد البــاب و هما بيفتحوه
انا : اثبـــــــــــــــــــــــ
مفعوصه : اتقفشنــا يا بابي
ابو مفعوصه : شكلنا كده هناكل هناكل .. معاكي الدوا بتاع المغص ؟
مفعوصه : اه اه اللي بناخد منه قبل الاكل .. مخبياه ف الاوضه احسن تاخدوا مني و نموت ف اكله من اكلتها العجيبه دي
ابو مفعوصه : طب ادخلي هاتي برشمتين بس من غير ما تحس بيكي
انا : بتقولوا ايــــــــه ها .. بتقولوا ايه ؟
ابو مفعوصه : ابدا يا حبيبتي دي مفعوصه نسيت حاجه جوه و داخله تجيبها
مفعوصه دخلت الاوضه و جابت البرشام و هوبا اخدوه من غير ام مفعوصه ما تحس و اكلوا اقل كميه يقدروا ياكلوها و نطوا بره الشقه
ابو مفعوصه اخد مفعوصه و وصلها مدرستها و راح ع شغله
و ام مفعوصه قعدت مش وراها حاجه طول اليوم ..
تفتكروا هتعمل ايه ؟؟
