قصة انا ومفعوصتي الحلقة السابعه

بسم الله الرحمن الرحيم

#انا_و_مفعوصتي ( 7 ) :.

وقفنا ع الدش و البوم و التاك و الهووووب و التكسير و دراع المكنسيه و باب التلاجه هاهاهاها 

انا و مفعوصتي دخلنا استخبينا تحت السفره و كتبنا لابو مفعوصه ورقه ( ايه رائيك ف ديكور الشقه يا حبيبي .. احنا عند ام موكوس لما تيجي ابقي رن عليا ) و سبنا الورقه دي ع السفره و نزلنا استخبينا تحتها .. و جهزنا الفشار و المايه و سندوتشات و شيبسي ع كام شوكلاتايه .. الله مش لازم اغذي مفعوصتي 

دخلنا بقي تحت السفره و اخدنا الموبايل و قفلناه علشان ميرنش و نتكشف .. و استنينا يجي نص ساعه .. و هـــــــــــــــــوبا الباب اتفتح 

ابو مفعوصه اول لما حس ان فيه تغيير ف الشقه 

ابو مفعوصه : سترك يـــارب .. مش حمل مصاريف تاني .. ابتدي يمشي ف الشقه و يشوف الحاجات اللي اتكسرت و قعد ع اقرب كرسي 

ابو مفعوصه : ياربـــي .. عملت ايه انا ف حياتي علشان ترزقني بزوجه عبيطه و بنت هبله .. كل كام شهر ادفع بالـ 5 الاف جنيه تصليح اللي بوظوه بس .. يالهـــــــــــــوي يا انا .. كان عندها حق امي قالتلي دي بت مالهاش ف الزواج دي اخرها تلعب ف الملاهي 

انا بقي طلعت من تحت السفره 

انا : نعــــــــــــــــــــم نعم ملاهي ايه بقي .. حماتي قالت كده ؟

ابو مفعوصه : حد عاقل يعمل اللي انتي بتعمليه ده 

انا : مادام هي قالتلك كده .. اتجوزتني ليه 

ابو مفعوصه : هو انتي فكراني بقبض ياليورو يا اختي 

انا : ع فكره ممكن عادي جدا تصلح الغلط اللي مامتك نصحتك متعملهوش 

مفعـــوصه : بـــــــــــــــــــــــــــــس استــــوب .. هتتخانقوا و انا واقف ولا ايه ؟

انا : يا مفعـــ

مفعوصه تقاطعني : ولا اسمع كلمه من اي حد فيكم .. يلا يا بابي اتفضل روح غير هدومك .. و انتي يا ست مامي ف خلال دقيقه تكوني حطيتي الاكل لبابي علشا يـــاكل .. هو انا مش هعرف امشي البيت كده .. مش عاملينلي اي اعتبـــار 

ابو مفعوصه : ماهو 

مفعوصه : هــــش خالص .. كل اللي قلتله يعمل حاجه يعملها 

انا و ابو مفعوصه : مـــاشي 

دخل ابو مفعوصه غير هدومه و انا عملتله ياكل و اكل و بعديها دخلت اغسل الاطباق 

و خرجت قعدت معاهم و كانوا بيتفرجوا ع كرتون كان سبونج بوب 

انا : يعني انتا تنكد عليا و تيجي تتفرج ع سبونج بوب و تقول عليا انا اللي طفله 

ابو مفعوصه : الله .. حلو ع فكره البرنامج و مضحك 

انا : ع فكره ده للاطفال و المفروض انك مش طفل 

ابو مفعوصه : ما هو انا لازم بردو اتابع بنتي بتتفرج ع ايه 

مفعوصه : لا بقي لا بقي لا بقي .. كده كتيـــــــر .. لو مسكتوش هسبلكم البيت و اطلع عند موكوس العب معاه .. ده عنده 5 سنين و اعقل منكم .. اوووووف بجد .. ده انتوا الاطفال مش احنا 

ابو مفعوصه : معلش يا برنس .. عندي انا دي , بس وحيات عيالك يا مفعوصه لما ماما تقولك يلا نغير الديكور قوليلها حرام عليكي بابا 

مفعوصه : يا بابي دي اصلا فكرتي .. بجد بجد هنحاول نبطل

ابو مفعوصه : جيت اشتكيلك يا اختي .. اتاريكي انتي اللي بتزرعي الافكار الهبله دي ف دماغها

مفعوصه : يا بابي خلاص بقي .. 

ابو مفعوصه : ماشي ماشي 

قعدنا نتفرج ع سبونج بوب و بعديه جه الجاسوسات و بعد كده جه فيلم كرتون ..

انا : هيـــــــــــــح القناه دي حلوه اووي يا مفعوصتي 

ابو مفعوصه : اه اوووي بتضحك بلا هم اليومين دول

مفعوصه : علشان تعرفوا بس قيمتي ف البيت 

ابو مفعوصه : طب هنعمل ايه دلوقتي ..

مفعوصه : تعالوا نلعب كوشتينا ..

انا : كوشتينا مين يا هبله اسمها كوتشينا 

مفعوصه : لا بابي بيقولها كوشتينا .. هتفهمي اكتر من بابا انتي 

انا : يا اختي كوشتينا كوشتينا 

ابو مفعوصه : لالالا .. انا هنزل لاصحابي اقعد معاهم متفقين ع كده 

انا : سمعتي الله سمعته 

مفعوصه : اه سمعته 

ابو مفعوصه : يلا ادخل بقي انا البس 

انا : مكـــــــــــــــــــــانك .. بص بقي يا كابتن عايز تنزل لاصحابك معنديش مانع بس مش هدخلك البيت لمده 3 ايام .. ااه ما هو انا مستحملش ظعيقك و لما تهدي تروح لاصحابك .. لا يا بابا لا مش انا الشخص ده .. هاه قلت ايه 

ابو مفعوصه : يلا يا بت يا مفعوصه فرقي دور الكوشتينا عقبال لما اجيب شوكلاته م التلاجه و اجي 

مفعوصه : هههههههه جدعه يا مامي 

انا : شكرا شكرا 

لا تنسونا من صالح دعائكم