بسم الله الرحمن الرحيم
#الحلقه (13)
الايام بعد لما ابو مفعوصه هو و مفعوصه صالحوا ام مفعوصه ( ايه كميـه اسم مفعوصه دي , انا كـ ميرنا زهقت م الاسم )
لقد حان العام الدراسي الجديد السعيد المفرح الجميل اللطيف ( بس بس كفايه كذب بقي حررام عليكي هتتعلقي من رموشك ف جهنم يا ميرنا , و ده كان كومنت حد ع كميه الصفات بتاعت المدارس عموما )
بدات بقي ام مفعوصه تروح المدرسه تشتري اللبس و تحجز الكتب و الذي منه
و جه معاد اول يوم دراسه
انا : ها يا مفعوصتي تحبي ادخل معاكي الفصل
مفعوصه : ليه ؟
انا : زي باقي الاهالي , علشان متخافيش علشان المكان جديد عليكي
مفعوصه : روحي ربي عيالك .. ربي عيالك بس كده و امشي
انا : تربيه .. اتنيلي
مفعوصه : سانك يو فري مشت
انا : مشت , غوري يا بت انتي من وشي بدل ما اولع فيكي و يقولوا الست اتجننت
مفعوصه و هي بتجري : انتي اصلا مجنونه خلقه
انا : حسابك معايا لما ترجعي
ودخلت مفعوصه المدرسه و حضرت اليوم عادي جدا و روحت لام مفعوصه
مفعوصه من و هي لسه داخله ع الباب
انا : احكيلي بسرعه بسرعه عملتي ايه بدل ماكلكيش ولا انتي ولا ابوكي النهارده
مفعوصه : طب اصبري بس اخد نفسي .. هيـــــح
انا : اخدتيه ؟
مفعوصه : اه
انا : طب يلا احكي
مفعوصه : لا القعده دي محتاجه فشار
انا : طب غيري هدومك عقبال لما اعمله و اجي
مفعوصه : علم و جاري التنفيذ
مفعوصه غيرت هدومها و ام مفعوصه عملت الفشار و قعدوا ع السرير بتاع مفعوصه
انا : يلا احكي بسرعه بقي يلا يلا
مفعوصه : حاضر حاضر .. بس يا مامي انا اول لما سيبتك كده ببص يميني لقيت عيال بتعيط .. ببص شمالي لقيت عيال بتعيط , ورايا قدامي عيال بتعيط . قلت مبدهاش بقي ايه العيال المايصه دي و قفت ع الديسك
مفعوصه : ايه ياد منك ليها له ليها له .. مش عايزه اسمع نفس ف الفصل و الا هعلقكم ع الباب .. سمعتوا ولا اكرر تاني ؟؟
طبعا يا مامي كل العيال اندهشت كده و كله بطل عياط و سكت روحت قايله
مفعوصه : حلو , تسمعوا كلامي تبقوا شطار , كل واحد و واحده فيكم بقي امسحوا وشكم و وسعوا الديسكات دي ويلا نلعب
وروحنا حشنا الديسكات ع جنب و قعدنا نلعب بقي و نهيص و العيال حبتني اووي بقي و بقينا اصحاب .. تخيلي يا مامي صاحبت 30 بنوته وولد كلهم كلهم
انا : الله الله يا مفعوصه .. هي دي تربيتي
مفعوصه : اسكتي عرفتيش اللي حصل
انا : لا يا اختي عرفتش
مفعوصه : حدش قالك
انا : لا و النعمه ما حصل
مفعوصه : طب اقولك انا ؟
انا : اشجيني
مفعوصه قامت من ع السرير و راحت ناحيه الشنطه و جابت جواب
انا : ايه ده يا مفعوصتي .. جواب شكر علشان سكتي العيال
مفعوصه : لا لا
انا : يبقي اكيد شكر علشان لعبتي معاهم و خلتيهم مبسوطين
مفعوصه : لالا بردو غلط
انا : معقوله جواب شكر علشان الاتنين
مفعوصه : بصي يا مامي .. هو جواب .. بس جواب فصل 3 ايـــــــام
و خرجت مفعوصه تجري و انا اجري وراها و مفعوصه تجري و انا اجري وراها
لغايه لما مسكتها و كتفتها
انا : جواب فصل من اول يوم طب كنتي كملي اسبوع حتي يا مفتريه يا بنت المفتري
مفعوصه : مامي , لو سمحتي متقوليش ع بابي كده .. ده بابي كيوت
انا : يا بت متجننيش عليكي .. خدتي فصل ليـــــــــــــه ( بصوت اعلي من صور روجينا , احنا اسفيـــن يا روجينا )
مفعوصه : اسكتي عرفتيش اللي حصل
انا : لا يا اختي عرفتش
مفعوصه : حدش قالك
انا : لا و النعمه ما حصل
مفعوصه : طب اقولك انا ؟
انا : اشجيني
مفعوصه : اصل كان فيه ولد من اللي ف الفصل مبطلش عياط ف انا استعنت بالعيال و علقناه
انا : علقتوه علقتوه ؟
مفعوصه : ايون علقناه علقناه
انا : طب افرضي صدقتك .. علقتوه ازاي ؟
مفعوصه : عادي يا مامي .. انتي تفكيرك محدود اووي , مسكناه هو اصلا سوفيف كده و مش باين مسكناه م التي شيرت بتاعه و علقناه ف المسامير بتاعت الانشطه
انا : هاه ؟
مفعوصه : يا عينــــــــــي .. دي اتصدمت
انا : لالالا لما يجيلك ابوكـــي يبقي يعرف يتصرف معاكي
و دخلت مفعوصه نامت و ام مفعوصه عملت الاكل لغايه لما جه ابو مفعوصه م الشغل
اول لما مفعوصه سمعت صوته صحيت م النوم
مفعوصه : ايه يا كابتن كل ده تاخير ؟
ابو مفعوصه : معلش والله يا برنس , الدنيا تحت زحمه
مفعوصه : كان الله ف عونك و الله يا معلم
ابو مفعوصه : احكيلي عملتي ايه ف المدرسه
مفعوصه : ابدا .. اخدت فصل
ابو مفعوصه : تشرفي عليه يعني و تخلي بالك من الاطفال اللي فيه ؟
مفعوصه : لالا فصل اللي هو اقل م الرفد بمرحله
ابو مفعوصه : طب ليه ؟
مفعوصه : ابدا علقت واحد زميلي مكنش عايز يبطل عياط
ابو مفعوصه : يا بت اللعيبه .. طالعه لابوكي يا بت
مفعوصه : تسلملي يا معلم .. من زوقك
كل ده ام مفعوصه كانت بتسمع الحوار
انا : بقي كده .. طالعه لابوكي .. و من زوقك يا معلم .. و انا اللي قلت ابوها هيعلقها
ابو مفعوصه : اهدي يا حبيبتي .. دي حاجات بسيطه يعني
انا : بصوا بقي .. انتا هتاخد بنتك و تروحو تعتزروا لاهل الولد بدل ما اولع فيكم ..
مفعوصه : انا بقول الاعتار واجب
ابو مفعوصه : انا اوافقك الرأي تماما
انا : ايوه كده شطار
